Uzynaǵashtaǵy qandy oqıǵanyń mán-jaıy belgili boldy
ALMATY. QazAqparat - Almaty oblysy Uzynaǵashtaǵy úsh adamdy 18 qyrkúıek kúni jeke-jeke óltirgen. Ekeýiniń basynan atqan, bireýin baılap, keýdesinen atqan. Kúdiktilerdiń esimi belgili boldy, dedi osy iske qatysty túsinik bergen aǵaıyndylardyń týysqany Erkin Beısekeı.
«Uzynaǵash bazarynda mal satqan úsh aǵaıyndyny qyrkúıektiń 18-i kúni, jeksenbi saǵat 16-17 arasynda óltirgen. Ekeýiniń basynan, bireýiniń keýdesinen atqan. Kúdiktiler ustaldy, biriniń aty - Talǵat, ekinshisi - Ońalbaev Murat degen adam. Ekeýi de qamaldy. Olar «Amangeldi», «Suranshy batyr» aýyldarynyń turǵyndary. Birinshi Muqııatty, ekinshi Qadilbekti, sosyn Jarqynbekti atqan. Basynan atqan oqtar saraptamada. Kóksý aýdanynda marqumdardy erteń jerleımiz. Suranshy batyr aýylynan 12 mal tabylǵan. Sosyn taýdaǵy Talǵattyń qora jaıynan qalǵan mal shyqty. Jalpy joǵalǵan mal - 41 bas. Onyń 36-sy tabyldy. 33-in aldyq keshe, 3 eýiniń pasporty, syrǵasy joq», - deıdi Erkin Beısekeı.
Eske sala keteıik, ótken jeksenbi, ıaǵnı 18 qyrkúıek kúni, Uzynaǵash bazarynda mal satýmen aınalysqan úsh jigittiń joǵalyp ketkendigi habarlanǵan.
1979 jyly týǵan Doldanuly Jarqynbek, 1973 jylǵy Zarlyhanuly Muqııat pen Álimhan Qadylbek esimdi jigitter qylmyskerler qolynan qaza tapty.
Qazaǵa ushyraǵan azamattardyń jaqyndary búgin Sot saraptamalyq ortalyǵynan úsh máıitti Almaty oblysy Kóksý aýdanyna alyp ketti.
24 qyrkúıekte Almaty oblystyq Іshki ister departamentiniń baspasóz qyzmeti iz-túzsiz joǵalǵan úsh aǵaıyndynyń ólimine qatysty kúdiktiler ustalǵanyn habarlady.
«Oblystyq ІІD basshysynyń birinshi orynbasary podpolkovnık Nurlan Másimov basshylyq etken izdeý sharalaryna aýdandyq jáne aımaqtyq polıtseıler de jumyldyryldy. Joǵalǵandardy óltirdi degen kúdikpen Jambyl aýdanynyń eki azamaty ustaldy. Jábirlenýshilerdiń deneleri tabyldy. QR QK 99-baby, 2-bólimi boıynsha (Kisi óltirý) qylmystyq is qozǵaldy», - delingen baspasóz qyzmetiniń habarynda.
Kisi óltirý faktisi boıynsha tergeý jumystary Almaty oblystyq Іshki ister departamenti basshylyǵynyń qatań baqylaýyna alynǵan.
