Uzynaǵash stansasyndaǵy aýlalardy sý alyp jatyr
ALMATY. QazAqparat - Almaty oblysy Uzynaǵash stansasynda birneshe aýlany sý aldy, dep habarlaıdy QazAqparat tilshisi.
Aýlasyn sý basqan turǵyndar áleýmettik jelige vıdeo jarııalady.
«Mine, jańadan salynǵan kópirdiń paıdasy. Ne adam júre almaıdy, ne mal óte almaıdy. Eshqandaı áreket jasalmasa bir saǵatta myna kósheni sý basady. Sýdy kórip tursyzdar, las, batpaq», - dedi vıdeo avtory.
Almaty oblystyq TJD baspasóz qyzmeti atalǵan vıdeoǵa qatysty túsinikteme berdi.
«Uzynaǵash aýylyna oblys ortalyǵy - Taldyqorǵannan qyzmetker jiberdik. Olarǵa jergilikti TJD qyzmetkerleri kómektesedi. Eń aldymen ol jerde arnaıy kanal jasalady. Sol kanalmen sý aǵady. Bıylǵy aıazdan jer toń bolyp tur. Sýdyń sińýi baıaý. Sondaı-aq, keıbir jerlerde aryq jelisi taza emes. Qazir atalǵan aýmaqta qyzmetkerler jumys istep jatyr», - dedi oblystyq TJD baspasóz hatshysy Azamat Jurtbaev.
Aıta ketý kerek, Taldyqorǵan qalasy mańyndaǵy «Qyzyl tas» saıajaıyn sý alǵan bolatyn. Erigen qar sýy taý eteginde turatyn turǵyndardyń úılerin alyp ketken bolatyn.
Vıdeodan alynǵan skrınshot
