Uzynaǵash-Otar ýchaskesinde 4 jolaqty I-tehnıkalyq sanatqa aýysý josparlanyp otyr
ASTANA. QazAqparat - Qorǵastan Qyzylordaǵa deıin birinshi sanatty tas joly salynady. Bul týraly búgin Úkimet otyrysynda «QR Investıtsııalar jáne damý mınıstri Áset Isekeshev málim etti.
«Batys Eýropa - Batys Qytaı» jobasyn júzege asyrǵaly 2 028 shaqyrym jol ýchaskesinde jumystar aıaqtaldy jáne Shymkentten RF shekarasyna deıin Orynbor baǵytynda, jáne Taraz-Almaty ýchaskeleri boıynsha qozǵalys ashyldy. Aǵymdaǵy jylda Almaty -Qorǵas (304 shaqyrym) Shymkent - Tashkent (100 shaqyrym) jáne Shymkent - Jambyl oblysy shekarasy (81 shaqyrym) ýchaskelerinde jumystar jalǵasyp jatyr. Bul ýchaskeler jyl qorytyndysy boıynsha tolyǵymen aıaqtalady jáne dálizdiń tolyq boıynda qozǵalys ashylady»,-dedi mınıstr.
Onyń sózine qaraǵanda, Almaty-Bishkek tas jolynda kólik aǵymynyń eki ese artýyna baılanysty Uzynaǵash-Otar ýchaskesinde 4 jolaqty I-tehnıkalyq sanatqa aýysý josparlanady. Ýchaskeni qarjylandyrý Dúnıejúzilik Bank qaryzynan únemdeý esebinen iske asyrylatyn bolady.
«Qorytyndysynda Qorǵastan Qyzylordaǵa deıin birinshi sanatty tas joly salynady, bul óz kezeginde jol apatyn tómendetýge septigin tıgizedi»,-dedi Á. Isekeshev.
