Uzyn saqal ósirgen azamat alty jylǵa sottaldy
ASTANA. QazAqparat - Qytaılyq sot ulty uıǵyr azamatty saqal ósirgeni úshin alty jylǵa bas bostandyǵynan aıyrdy. Bul týraly China Youth Daily habarlaıdy.
Sot sondaı-aq onyń áıelin qoǵamdyq orynda betin búrkegeni úshin eki jylǵa bas bostandyǵynan aıyrý jazasyna kesti. Bul jup sońǵy ýaqytta sot isterinde jıi qoldanyla bastaǵan «arazdyqty arandatýshylyqqa» aıypty dep tanyldy.
Shyńjań-Uıǵyr avtonomdyq ólkesindegi Qashǵar qalalyq okrýginiń 38 jastaǵy turǵyny saqaldy 2010 jyldan beri ósirgeni atap ótiledi. Islamshyl uıǵyrlardyń toptary bar ShUAÓ-de jaqynda lańkestikpen kúres sharasy retinde qoǵamdyq oryndarda býrka - musylman áıelderdiń betterin búrkeıtin kıimin kııýge tyıym salatyn zań qabyldanǵan. Kıimniń bul túrin avtonomııa astanasy Úrimshi qalasynda de kııýge ruqsat joq. Budan basqa, aımaqtyń bılik kózderi erlerdiń saqal ósirýine qarsy naýqandy júrgizip, osyndaı tájirıbeni ekstremızmmen kúres retinde baılanystyryp otyr.
QHR-nyń soltústik-batysynda ornalasqan bul avtonomdyq okrýgte kóbine uıǵyrlar turady. Osy halyq ókilderinen turatyn ekstremıstik toptar Shyńjańnyń táýelsizdigin talap etýde.
