Ujymdyq jigerimizdiń arqasynda «S5+1» formaty mańyzdy quralǵa aınaldy – Muhtar Tileýberdi
«Qazaqstan óziniń kópvektorly jáne salmaqty syrtqy saıasatyn jalǵastyrady. Osy turǵyda Ortalyq Azııa da, AQSh ta biz úshin negizgi basymdyqtar bolyp tabylady. Osy oraıda «S5+1» formaty odan da ózekti bolyp otyr. Bizdiń ujymdyq kúsh-jigerimizdiń arqasynda «S5+1» formaty mańyzdy quralǵa aınaldy. Ol bizdiń elderimizdi ekonomıkalyq jáne saýda baılanystaryn nyǵaıtý jáne ortalyq máselelerdi tıimdi sheshý úshin biriktiredi», - dedi Muhtar Tileýberdi.
Sonymen qatar mınıstr «S5+1 formaty aıasynda túrli salalar boıynsha yntymaqtastyqty jalǵastyrýdy usyndy.
«Qol jetkizilgen jetistikterge súıene otyryp, biz odan ári qaraı damýǵa jyljýymyz kerek. «S5+1» formaty HHІ ǵasyrda klımattyń ózgerýi, sýdy utymdy basqarý, tehnıka daǵdylaryn úıretý jáne jastarymyzǵa aǵylshyn tilin úıretý máselelerin sheshý úshin AQSh-tan ınvestıtsııalarǵa jáne ozyq tehnologııalarǵa qol jetkizý úshin tamasha platformany usynady. Qazaqstan úshin AQSh Nıderlandydan keıin 60 mlrd dollardyń ınvestıtsııasyn salǵan ekinshi iri el. Bizdiń eki jaqty taýar aınalymymyz 37 paıyzǵa artyp, 3,05 mlrd dollarǵa jetti», - dep nátıjelerge toqtady Muhtar Tileýberdi.
Syrtqy ister vdeomstvosynyń basshysy «S5+1» formatyna qatysýshy elderdiń delegatsııasyn 8-9 maýsymda ótetin «Astana» halyqaralyq forýmyna qatysýǵa shaqyrdy.
Aıta keteıik, qazir elordada «S5+1» formatyndaǵy Ortalyq Azııa elderi mınıstrleriniń kezdesýi ótip jatyr. Oǵan Qazaqstanǵa arnaıy sparmen kelgen AQSh-tyń Memlekettik hatshysy Entonı Blınken de qatysyp jatyr.
