Ujymdyq jedel den qoıý kúshterin qurýǵa qatysty kelisim zańmen bekitilmek
ASTANA. Qańtardyń 12-si. QazAqparat - «Ujymdyq qaýipsizdik týraly shart uıymynyń Ujymdyq jedel den qoıý kúshteri týraly kelisimdi ratıfıkatsııalaý týraly» zań jobasy Májilistiń jalpy otyrysynda talqylanýǵa daıyn.
Osy Palatanyń Halyqaralyq ister, qorǵanys jáne qaýipsizdik komıteti osyndaı qorytyndy shyǵaryp otyr, dep habarlaıdy QazAqparat.
Atalǵan kelisimge 2009 jylǵy maýsymnyń 14-inde Máskeý qalasynda qol qoıylǵan. Bul Kelisimniń maqsaty - koalıtsııalyq Ujymdyq qaýipsizdik týraly shart uıymyna (UQShU) múshe memleketterdiń Ujymdyq jedel den qoıý kúshterin qurý.
Ujymdyq jedel den qoıý kúshteri (UJDK) quramyna ishki ister, qaýipsizdik organdarynyń jáne arnaıy qyzmetterdiń, sondaı-aq tótenshe jaǵdaılardyń aldyn alý jáne joıý jónindegi organdardyń bólimsheleri enedi.
Kelisimdi ratıfıkatsııalaý UQShU-ǵa múshe memleketterdiń ujymdyq qaýipsizdigin qamtamasyz etý jónindegi mindetterdi sheshýge yqpal etetin bolady.
