Ujymdyq qaýipsizdik shart uıymyndaǵy tóraǵalyq Reseıge ótedi

BІShKEK. QazAqparat – UQShQ-daǵy tóraǵalyq Reseıge ótedi. Bul týraly Bishkekte UQShU Ujymdyq Qaýipsizdik keńesi sessııasynyń keńeıtilgen quramdaǵy otyrysynda Qyrǵyzstan Prezıdenti Sooronbaı Jeenbekov málim etti ,dep habarlaıdy QazAqparat tilshisi.

«Búgin Ujymdyq qaýipsizdik shart uıymyndaǵy tóraǵalyq Reseıge ótedi. Osy múmkindikti paıdalana otyryp, UQShU Ujymdyq Qaýipsizdik keńesindegi tóraǵalyqty qabyldaýǵa baılanysty RF Prezıdenti Vladımır Pýtındi quttyqtaǵym keledi», - dedi Qyrǵyzstan Prezıdenti.

Sonymen qatar ol Reseıdiń tóraǵalyǵy Jeńistiń 75 jyldyǵyn merekeleý sharalarymen sáıkes kelip turǵanyn atap ótti.

«9 mamyr - bizdiń ortaq jeńisimizdiń kúni ekeni eshqandaı kúmán týdyrmaıdy. Osy oraıda biz ortaq tarıhymyzdy umytpaýymyz kerek», - dedi Sooronbaı Jeenbekov.

Kezekti sessııa 2020 jyly Reseı aýmaǵynda uıymdastyrylady.

Aıta keteıik, Sessııa jumysyna Qazaqstan Prezıdenti Qasym-Jomart Toqaev, Qyrǵyzstan Prezıdenti Sooronbaı Jeenbekov, Reseı Prezıdenti Vladımır Pýtın, Tájikstan Prezıdenti Emomalı Rahmon, Belarýs Prezıdenti Aleksandr Lýkashenko, Armenııa Premer-Mınıstri Nıkol Pashınıan qatysyp jatyr.