Ujymdyq qaýipsizdik shart uıymy qujatynda «úılestirýshi memleket» uǵymy paıda bolady
Bul týraly Qorǵanys mınıstrligi Halyqaralyq yntymaqtastyq departamentiniń bastyǵy Oljas Qusaıynov Jibek Joly telearnasynyń mobıldi stýdııasyndaǵy suhbat barysynda málimdedi, dep habarlaıdy QazAqparat tilshisi.
«Kelisim belgili bir máselelerdi retteýge baǵyttalǵan, osylaısha biz uıym aıasynda ózara árekettesýdi jeńildetemiz. Ujymdyq qaýipsizdikti qamtamasyz etý úshin aldaǵy birlesken mindetterdi oryndaý ońaıǵa túsedi. Bitimgershilikke keletin bolsaq, bul jolǵy kelisimdegi ózgeris hattamaǵa «úılestirýshi memleket» degen uǵym engiziledi. Onyń máni BUU-da qarýly kontıngentter uıym retinde qabyldanbaıdy, olar naqty memleketten qabyldanady», - dedi Oljas Qusaıynov suhbat barysynda.
Onyń aıtýynsha, BUU-nyń bitimgershilik mıssııalaryna qatysý úshin ujymdyq qaýipsizdik týraly shart uıymy úılestirýshi memleketti aıqyndaýy tıis.
«Eger ujymdyq qaýipsizdik shart uıymy (UQShU) belgili bir bitimgershilik mıssııalarǵa qatysqysy kelse, onda UQShU-ǵa múshe barlyq memleket atynan BUU-men tikeleı ózara is-qımyl jasaıtyn bir ǵana úılestirýshi memleketti aıqyndaýy tıis. Úılestirýshi memleketti ujymdyq qaýipsizdik keńesi aıqyndaıdy. Bul atalǵan uıymnyń eń joǵarǵy organy, ıaǵnı bul memleket basshylary», - dep túsindirdi Qorǵanys mınıstrliginiń ókili.
Aıta keteıik, búgin Májilistiń jalpy otyrysynda «2007 jylǵy 6 qazandaǵy Ujymdyq qaýipsizdik týraly shart uıymynyń bitimgershilik qyzmeti týraly kelisimine ózgerister engizý týraly hattamany ratıfıkatsııalaý týraly» zań jobasy qaraldy.
