«Úzdik pedagog» ataǵynyń ıegeri 4 mln teńgege jýyq syıaqy alady

ASTANA. KAZINFORM – Elimizde ustazdardy qoldaý maqsatynda «Úzdik pedagog» baı̆qaýy bastaldy. Jeńimpazdarǵa 1000 AEK (3,9 mln teńge) kóleminde memlekettik syıaqy qarastyrylǵan.

Baı̆qaý aıasynda muǵalimniń bilim salasyn damytýǵa qosqan úlesi, ustaz qyzmetiniń tıimdiligi men onyń kásibı sheberligi eskeriledi.

Jarysqa mektepke deı̆ingi, orta, tehnıkalyq jáne kásiptik bilim berý uı̆ymdarynyń pedagogteri qatysa alady.

Konkýrs úsh kezeńnen turady:

1-kezeń — aýdandyq, qalalyq deńgeı̆ (8-25 shilde);

2-kezeń — oblystyq deńgeı̆ (28 shilde- 15 tamyz);

3-kezeń — respýblıkalyq deńgeı̆ (18 tamyz — 18 qyrkúıek).

Eki kezeńniń qorytyndysy boı̆ynsha eń joǵary upaı̆ jınaǵan pedagogter respýblıkalyq deńgeı̆ge ótedi. Baı̆qaýǵa qatysýǵa ótinimderdi qabyldaý, tirkeý, konkýrs qujattaryn tapsyrý, baǵalaý uzdikustaz-nobd.edu.kz veb-portalynda júzege asyrylady.

— «Úzdik pedagog» Respýblıkalyq konkýrsy 2012 jyldan beri ótkizilip kele jatqan dástúrli baı̆qaý. Osy ýaqytqa deı̆in 700-ge jýyq júzden júı̆rik, myńnan tulpar atanǵan myqtylar anyqtaldy.«Úzdik pedagog» ataǵyna bilim berý uı̆ymdarynda jumys isteı̆tin jáne qujattardy tapsyrý kezinde keminde bes jyl úzdiksiz pedagogıkalyq ótili bar pedagogter úmitker bola alady. Olar — balabaqsha, mektep, kolledj muǵalimderi, — delingen mınıstrlik habarlamasynda.

Baıqaýǵa qatysý týraly qosymsha aqparatpen Oqý-aǵartý mınıstrliginiń saıtynan tanysýǵa bolady.

Aıta ketelik «Aýyl mektebi — sapa alańy» respýblıkalyq jobasyna 1,5 myń mektep qosylatyny týraly jazǵan edik.