Úzdik ondyqtyń qatarynda: Qazaqstan mergenderi Túrkııada qalaı óner kórsetti
ASTANA. KAZINFORM – Antalıa qalasynda (Túrkııa) sadaq atýdan álem kýbogynyń kezeńi aıaqtaldy.
QR UOK málimetinshe, jekeleı saıysta Qazaqstan quramasynyń atynan Adel Jeksembınova eń úzdik nátıje kórsetti.
Sportshy bloktyq sadaq atýdan toǵyzynshy orynǵa ıe boldy. Roksana ıÝnýsova 17-orynnan kórinse, Vıktorııa Lıan 33-oryn aldy.
Erler arasyndaǵy osy baǵdarlama túrinde Andreı Tıýtıýn men Aqbarali Qarabaev 17-orynǵa taban tiredi. Býned Mırzametov 33-orynda aıaqtady.
Klassıkalyq sadaq atýdan Ilfat Abdýllın 17-orynǵa ıe boldy. Dáýletkeldi Jańbyrbaı men Dastan Kárimov 33-orynnan kórindi, al Álıhan Mustafın 73-oryn aldy. Samıra Jumaǵulova jarysty 33-orynda aıaqtasa, Dıana Tursynbek - 65, Madına Zaemova - 71-orynda turaqtady.
Sondaı-aq, elimiz bul kezeńde komandalyq jarystarda da synǵa tústi.
Bloktyq sadaq atý
Erler - toǵyzynshy oryn
Áıelder - toǵyzynshy oryn
Aralas quram - toǵyzynshy oryn
Klassıkalyq sadaq atý
Erler - segizinshi oryn
Áıelder - toǵyzynshy oryn
Aralas quram - altynshy oryn
Aıta keteıik, nysana kózdeýden qazaqstandyq mergen álem kýbogynyń qola júldegeri atandy.