Úzdik medıtsınalyq uıymdardyń reıtıngi jarııalandy

ASTANA. KAZINFORM — Elimizde 2024 jyldyń qorytyndysy boıynsha úzdik medıtsınalyq uıymdar men ǵylymı ortalyqtardyń reıtıngi qalyptasty, dep habarlaıdy DSM baspasóz qyzmeti.

Salıdat Qaıyrbekova atyndaǵy Ulttyq ǵylymı densaýlyq saqtaýdy damytý ortalyǵy 2024 jyldyń qorytyndysy boıynsha TMKKK jáne MÁMS sheńberinde medıtsınalyq kómek kórsetetin jeke medıtsınalyq mekemelerdi qosa alǵanda, medıtsınalyq uıymdar men respýblıkalyq ǵylymı ortalyqtardyń reıtıngin jasady.

Jalpy reıtıngte menshik nysanyna jáne beıindik baǵytyna qaramastan, negizgi toǵyz sanat boıynsha bólingen Qazaqstannyń 20 óńirindegi 772 medıtsınalyq uıym qarastyryldy.

Bul ǵylymı-zertteý ınstıtýttary/ǵylymı ortalyqtar, eresekterge arnalǵan kóp beıindi statsıonarlar (oblystyq/qalalyq), balalarǵa arnalǵan kóp beıindi statsıonarlar (oblystyq/qalalyq), bosandyrý uıymdary (perzenthanalar/perınataldyq ortalyqtar), MSAK kórsetetin medıtsınalyq uıymdar, onkologııalyq ortalyqtar/dıspanserler, týberkýlezge qarsy dıspanserler/ftızıopýlmonologııa ortalyqtary, psıhıkalyq densaýlyq ortalyqtary jáne aýdandyq aýrýhanalar (ortalyq/aýdanaralyq).

Ádistemege sáıkes reıtıngti esepteý kezinde 14 klınıkalyq ındıkator, sondaı-aq akkredıtteý týraly aqparat jáne negizdelgen shaǵymdardyń sany týraly málimetter eskerildi.

— Respýblıkanyń 17 ǵylymı-zertteý ınstıtýty men ǵylymı ortalyǵynyń ishinde «Akýsherlik, gınekologııa jáne perınatologııa ǵylymı ortalyǵy» AQ (Almaty q.), «A. N. Syzǵanov atyndaǵy Ulttyq hırýrgııa ǵylymı ortalyǵy» AQ (Almaty q.) jáne «Ulttyq ǵylymı medıtsınalyq ortalyq» AQ (Astana q.) kóshbasshy bolyp tanyldy. 15 onkologııa ortalyǵynyń arasynda klınıkalyq ındıkatorlar men menedjment kórsetkishteri boıynsha Almaty qalasynyń DSB «Almaty onkologııa ortalyǵy» ShJQ KMK, «Qazaq onkologııa jáne radıologııa ǵylymı-zertteý ınstıtýty» AQ (Almaty q.), ShQO DSB Shyǵys Qazaqstan oblystyq kópbeıindi «Onkologııa jáne hırýrgııa ortalyǵy» ShJQ KMK úzdik atandy, — delingen habarlamada.

Eresekterge arnalǵan 84 kópbeıindi statsıonardyń ishinde medıtsınalyq kómek kórsetý deńgeıi boıynsha aldyńǵy qatarly DSB «Qaraǵandy qalasynyń № 1 kópbeıindi aýrýhanasy» KMK, «Qonaev qalasynyń kópbeıindi qalalyq aýrýhanasy» ShJQ MKK, Astana qalasy ákimdiginiń «№ 2 kópbeıindi qalalyq aýrýhanasy» ShJQ MKK boldy.

24 kópbeıindi balalar statsıonarynyń ishinde Almaty qalasynyń DSB «№ 2 balalar qalalyq klınıkalyq aýrýhanasy» ShJQ KMK, Qyzylorda oblysynyń DSB «Kópbeıindi oblystyq balalar aýrýhanasy» ShJQ KMK, DSB «Qaraǵandy qalasynyń kópbeıindi balalar aýrýhanasy» ShJQ KMK kóshbasshy boldy.

178 aýdandyq aýrýhananyń qyzmetin baǵalaý qorytyndysy boıynsha AO DSB «Abaı aýdandyq aýrýhanasy» ShJQ KMK, Aqtóbe oblysy DSB ShJQ MM «Áıteke bı AA» MKK, Aqtóbe oblysy DSB ShJQ MM «Hromtaý AA» MKK úzdik atandy.

MSAK-tyń 385 uıymynyń ishinde menedjment jáne klınıkalyq kórsetkishter boıynsha eń joǵary nátıjege qol jetkizgen elimizdiń 5 úzdik qalalyq emhanasy anyqtaldy.

Bular Astanadaǵy QR DSM «Respýblıkalyq medıtsınalyq-sanıtarlyq alǵashqy kómek ortalyǵy», Almaty qalasynyń DSB «№ 17 qalalyq emhanasy», BQO ákimdigi DSB «№ 4 qalalyq emhanasy», «Sofie Medgroup» kópbeıindi klınıkasy» JShS (Aqtaý Q.), Pavlodar qalasy ákimdiginiń «№ 3 emhanasy».

2023 jyldan bastap Qazaqstan Respýblıkasynyń medıtsınalyq uıymdary, ǴZI jáne UO qyzmetin reıtıngtik baǵalaý óńir men respýblıka deńgeıinde medıtsınalyq kómek kórsetý beıinderi boıynsha saralaýdy júrgizýge múmkindik beretin ózekti ádistemege sáıkes júrgiziletinin aıta ketken jón.

Medıtsınalyq uıymdardyń tolyq reıtıngimen UǴDSDO saıtynda silteme boıynsha tanysýǵa bolady.

Buǵan deıin Densaýlyq saqtaý mınıstri Aqmaral Álnazarova aýyldaǵy medıtsınalyq kómektiń búgingi ahýalymen tanystyrdy.