Úzdiksiz bilim berý qazirgi tańda óte mańyzdy-Á.Ábishev
ALMATY. Qańtardyń 21-i. QazAqparat /Erbol Azanbek/ - Sapaly ekonomıka mamandaryn daıyndaý úshin úzdiksiz ekonomıkalyq bilim berýdi qamtamasyz etý qajet. Bul týraly búgin Almatyda «Úzdiksiz bilim berý: metodıkalyq qamtý men bilim berýdi jetildirý»
atty V-shi respýblıkalyq oqý-metodıkalyq konferentsııany ashqan, T. Rysqulov atyndaǵy QazEÝ rektory Álı Ábishev aıtty, dep habarlaıdy QazAqparat.
QazEÝ rektorynyń aıtýynsha qazir bilim úrdisterinen, bazalyq teoretıkalyq bilimnen jyldam damý ústindegi óndiriske jaqyndaý qajet. «Qazirgi tańda mektepterde erterek mamandyqqa beıimdeý tájirıbesi bar. Bul jastarǵa mamandyq tańdaýda úlken kómek. Aldaǵy ýaqytta osy baǵytty damytý qajet», deıdi Á.Ábishev.
2 kún boıy ótetin konferentsııaǵa joǵary oqý oryndary men mektepterdiń, kolledjderdiń basshylary men ustazdary qatysýda. Konferentsııa barysynda úzdiksiz bilim berý sapasyn arttyrý, jetildirý máseleleri talqylanyp, naqty usynystar boıynsha sheshim qabyldanbaq.
