Úzdik ustazdardyń esimderi «Astana qalasy bilim berý salasynyń altyn qoryna» jazylady
ASTANA. 28 tamyz. QazAqparat - Búgin Astanada ótip jatqan tamyz keńesi aıasynda bilim berý salasynyń ozyq qyzmetkerlerin marapattaý rásimi ótti. Osyǵan oraı Baýyrjan Momyshuly atyndaǵy Oqýshylar saraıynda «Juldyzdy shashý» festıvali ótti.
Bıyl elordanyń bilim berý salasyna sińirgen jemisti eńbegi úshin «Táýelsizdikke - 20 jyl» mereıtoılyq medalimen qalalyq Bilim berý basqarmasy bastyǵynyń orynbasary Lıýdmıla Kýrılo, №3 pedagogıkalyq keńes berý ortalyǵynyń meńgerýshisi Raýshan Asqarova, №35 «Ertegi» balabaqshasy mektepke deıingi deıingi gımnazııanyń meńgerýshisi Tatıana Gýreva, Balalar kórkemsýret mektebiniń dırektory Gúlzııa Isenova, «Aqbulaq» bastaýysh mektebiniń dırektory Sholpan Aıapbergenova jáne «ASÝ» gýmanıtarlyq-tehnıkalyq kolledjiniń dırektory Vıachesa Lı marapattaldy. Al Gýmanıtarlyq kolledjdiń dırektory Ádilhan Júsipov, «Mıras» halyqaralyq mektebiniń dırektory Elena Hamıtova, №8 orta mektebiniń qazaq tili muǵalimi Sholpan Ábýova, №2 kásibı lıtseıiniń dırektory Ivan Popovıch, «Kógildir jelken» balabaqsha-gımnazııasynyń dırektory Anna Kolosovskaıa, №38 mektep-gımnazııasy orys tili muǵalimi Hadısha Shaımardanova, bilim berý salasynyń úzdigi Gúlnár Jaqypova jáne Qazaq-túrik lıtseıiniń ustazy Erdem Eroglýdyń esimderi «Astana qalasy bilim berý salasynyń altyn qory» kitabyna jazylatyn bolady. Sondaı-aq ozyq 19 oqytýshyǵa QR Bilim jáne ǵylym mınıstrliginiń qurmet gramotalary men alǵys hattary tabystaldy.
