«Úzdik sapaly qyzmet kórsetýshi» konkýrsynyń jeńimpazy anyqtaldy
Baıqaýǵa elimizdiń túkpir-túkpirinen úsh júzden astam qyzmet kórsetýshi qatysty. Qatysýshylar arasynda Qyzylorda, Jambyl, Mańǵystaý jáne Soltústik Qazaqstan oblystarynyń qyzmet kórsetýshileri joǵary belsendilik tanytty.
Respýblıkalyq komıssııanyń sheshimimen Abaı oblysy Kókpekti aýdanynyń arnaýly áleýmettik qyzmetter kórsetý ortalyǵy «Úzdik sapaly qyzmet kórsetýshi» ataǵyna ıe boldy.
Sonymen qatar, osy nomınatsııada 1-oryndy Mańǵystaý oblysy Munaıly aýdany boıynsha bilim bóliminiń Shoǵy Munaly atyndaǵy №5 jalpy bilim beretin mektebi, 2-oryndy Shymkent qalasynyń ádilet departamenti, 3-oryndy Qostanaı qalasy boıynsha Memlekettik kiris basqarmasy ıelendi.
Respýblıkalyq komıssııanyń quramyna Agenttik jáne Memlekettik basqarý akademııasy, qoǵamdyq uıymdar jáne BAQ ókilderi, memlekettik basqarý salasyndaǵy sarapshylar kirdi.
Konkýrsqa qatysýshylar respýblıkalyq komıssııaǵa kórsetiletin memlekettik qyzmetterdiń beıneprezentatsııalaryn usyndy, sondaı-aq memlekettik qyzmetterdiń sapasy men qoljetimdiligin arttyrý, olardy kórsetýdegi bıýrokratııalyq kedergilerdi joıý boıynsha «Adamdar eń aldymen» taqyrybyndaǵy jobalaryn qorǵady.
«Úzdik sapaly qyzmet kórsetýshi» konkýrsyn Agenttik bıyl ekinshi jyl qatarynan ótkizip otyr. Konkýrstyń negizgi maqsaty – qyzmet kórsetýshilerdiń mártebesin arttyrý, olardy yntalandyrý jáne jumysta klıentke baǵdarlanýdyń negizderin nyǵaıtý.
Konkýrs sondaı-aq, klıentke baǵdarlanǵan jáne ashyq memlekettik apparat qaǵıdattaryn qalyptastyrýǵa, kórsetiletin memlekettik qyzmetterdiń sapasyn arttyrýǵa úles qosqan úzdik qyzmet kórsetýshini anyqtaýǵa jáne kótermeleýge baǵyttalǵan.
Konkýrs jeńimpazdary «23 maýsym – Memlekettik qyzmetshiler kúnine» oraılastyrylǵan saltanatty is-sharada marapattalady.