Úzdik pedagogtarǵa 3 mln teńge men tósbelgi tabystalady
Oqý-aǵartý mınıstrliginiń málimetinshe, «Úzdik pedagog-2022» konkýrsyna qatysýǵa qujat qabyldaý jalǵasyp jatyr. Alǵashqy aptada elimizdiń ár óńirinen 2,6 myńnan astam muǵalim men tárbıeshi óz ótinimderin joldap úlgerdi.
Qujat qabyldaý 12 qyrkúıekte bastalyp, 2022 jylǵy 22 qyrkúıekke deıin jalǵasady. Baıqaýǵa mektepke deıingi, orta, tehnıkalyq jáne kásiptik bilim berý uıymdarynyń pedagogteri qatysa alady. Jeńimpazdar 3 mln teńge kóleminde syıaqy alady. Byltyr elimizdiń ár óńirinen 64 muǵalimniń árqaısysy 3 mln teńgeden alǵan bolatyn.
«Bıyl baıqaýdy tsıfrlandyrýdyń arqasynda biz konkýrstyń úsh kezeńine de qansha muǵalim qatysatynyn baqylaı alamyz. Birinshi aptada https://teachercontest.iac.kz/ veb-portalynda 2 630 muǵalim men tárbıeshi tirkeldi. Bıyl baıqaýǵa qatysatyn árbir muǵalim saýalnamany toltyrǵannan keıin baıqaýdyń odan arǵy dınamıkasyn, ıaǵnı qatysýshylardyń qaı kezeńde ekenin, olarǵa sarapshylar qandaı upaı bergenin baqylaı alady», - dedi Oqý-aǵartý mınıstrligi Mektepke deıingi jáne orta bilim komıtetiniń tóraǵasy Gúlmıra Kárimova.
«Úzdik pedagog» ataǵynyń ıegerlerine 3 mln teńge kólemindegi aqshalaı syıaqy ǵana emes, tósbelgiler de beriledi.
Baıqaý erejeleri týraly qosymsha aqparatty Oqý-aǵartý mınıstrliginiń saıtynan tabýǵa bolady.
