«Úzdik pedagog» baıqaýyna ótinim qabyldaý 25 qyrkúıekke deıin uzardy

ASTANA. QazAqparat - «Úzdik pedagog-2022» baıqaýynyń birinshi kezeńine qatysý úshin qujattardy qabyldaý taǵy 3 kúnge uzartyldy. ıAǵnı qazaqstandyq muǵalimder 2022 jylǵy 25 qyrkúıekke deıin qujat tapsyra alady. Búgingi kúni veb-portalda tirkelgen úmitkerler sany 4,4 myńnan asty, dep habarlaıdy QazAqparat.

«Bıyl baıqaýǵa qatysýǵa nıet bildirgenderdiń kóptigin kórip otyrmyz. Sol sebepti konkýrsqa qujat qabyldaýdy 25 qyrkúıekke deıin, ekinshi kezeńge qatysý úshin 2022 jyldyń 30 qyrkúıegine deıin uzarttyq. Konkýrsty ótkizý tarıhynda alǵash ret biz ony elektrondy formatta ótkizip otyrmyz. Bul qatysýshylarǵa baıqaýdyń ár kezeńin baqylap otyrýǵa múmkindik beredi. Qazir baıqaýdyń úsh kezeńi de avtomattandyrylǵan», - dedi QR Oqý-aǵartý mınıstrliginiń Orta bilim komıtetiniń tóraǵasy Gúlmıra Kárimova.

Qujat qabyldaý 12 qyrkúıekte bastalǵan bolatyn. Baıqaýǵa balabaqshalardyń, mektepterdiń, kolledjderdiń shtattaǵy muǵalimderi qatysa alady.

«Úzdik pedagog» ataǵynyń ıegerlerine 3 mln teńge kólemindegi aqshalaı syıaqy ǵana emes, tósbelgiler de beriledi.

Arnaıy veb-portal arqyly ótinim berýge, konkýrs qujattamasyn júktep alýǵa jáne barlyq kezeńdegi upaılardy baqylaýǵa bolady.

Baıqaý erejeleri týraly qosymsha aqparat Oqý-aǵartý mınıstrliginiń saıtynda da bar.