«Úzdik pedagog-2022» konkýrsynyń fınalyna 123 muǵalim ótti
2022 jylǵy «Úzdik pedagog» ataǵyna 123 muǵalim úmitker. Olar baıqaýǵa qatysýshy 5,5 myń pedagogtiń arasynan iriktelip alyndy. Konkýrs qorytyndysy boıynsha 64 jeńimpaz anyqtalyp, olarǵa 3 mln teńgeden (1 000 AEK) syıaqy beriledi.
Baıqaýdyń aqtyq synyna balabaqshalar men mektepterdiń – 103, kolledjderdiń 20 ustazy qatysyp jatyr. Olar aýdandyq, qalalyq jáne oblystyq týrlardyń qorytyndysy boıynsha usynylǵan.
«Bıyl alǵash ret ótinimderdi qabyldaý, tirkeý, konkýrs qujattaryn tapsyrý, baǵalaý jáne apellıatsııa berý teachercontest.iac.kz portalynda júzege asyrylyp jatyr. Sondaı-aq ótinim berilgen sátten bastap barsha úmitker onlaın rejımde baıqaýdyń barlyq dınamıkasyn baqylaý múmkindigine ıe boldy. ıAǵnı qatysýshylar qaı kezeńde, olarǵa sarapshylar qandaı upaı berdi jáne taǵy basqasyn baqylaı aldy. Bıyldyń taǵy bir jańalyǵy – áriptesterimiz konkýrs komıssııasy baǵalaıtyn ashyq sabaqtar ótkizedi. Júlde qoryn da kóbeıttik. Osyndaı sharalardyń arqasynda qatysýshylar sany ǵana emes, olardyń sapalyq quramy da artyp keledi», - deıdi Oqý-aǵartý mınıstrligi Orta bilim komıtetiniń tóraǵasy Gúlmıra Kárimova.
Respýblıkalyq konkýrs komıssııasynyń quramynda qoǵamdyq birlestikterdiń, úkimettik emes uıymdardyń, ata-analar qaýymynyń ókilderi, jýrnalıster, belsendi pedagogter, bilim jáne ǵylym qyzmetkerleriniń qazaqstandyq salalyq kásipodaq uıymynyń ókilderi jáne taǵy basqalary bar.
«Úzdik pedagog» respýblıkalyq konkýrsy 2012 jyldan beri ótkizilip keledi. Osy ýaqyt aralyǵynda 600-ge jýyq ustaz úzdik atandy.
