Úzdik oıynshy Messı álem chempıonattarynyń rekordyn ornatty

ASTANA. QazAqparat – Argentına quramasynyń shabýylshysy ári kapıtany Lıonel Messı álem chempıonattarynyń rekordyn ornatty, dep habarlaıdy QazAqparat tilshisi.

Lıonel Messı Argentına – Horvatııa matchynyń úzdik oıynshysy atandy.

Messı birinshi taımda 11 metrlik aıyp dobyn múltiksiz oryndasa, ekinshi kezeńde Hýlıan Alvareske nátıjeli pas berdi.

Osylaısha, 35 jastaǵy oıynshy álem chempıonattarynda soqqan gol sanyn 11-ge, pas sanyn 9-ǵa jetkizdi. Bul kórsetkish jóninen ol Mıroslav Kloze (16 gol + 3 pas), Ronaldo (15 gol + 4 pas), Gerd Mıýller (14 gol + 5 pas) jáne Peleden (12 gol + 7 pas) asyp tústi.

Fınalǵa shyqqan Argentına quramasy 15 jeltoqsanǵa qaraǵan túni alańǵa shyǵatyn Frantsııa – Marokko matchynyń jeńimpazymen altyn júldeni sarapqa salady.

Eske sala keteıik, budan buryn Lıonel Messıdiń «Altyn dopqa» basty úmitker atanǵanyn jazǵan bolatynbyz.

Sondaı-aq Krıshtıaný Ronaldý Portýgalııa quramasynda oınaı bergisi keledi.

Messı álem chempıonattarynda Argentına quramasynyń úzdik surmergeni atandy.

FOTO: ELSA/GETTY IMAGES