«Úzdik memlekettik qyzmetshi» nagradasy engizilmek
ASTANA. 7 qarasha. QazAqparat - Vedomstvolyq «Úzdik memlekettik qyzmetshi» nagradasyn engizý týraly Elbasy Jarlyǵynyń jobasy ázirlenýde.
Búgin Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań jobasyna baılanysty baıandaǵan QR Memlekettik qyzmet isteri agenttigi tóraǵasy Álıhan Báımenov osylaı málim etti.
«Zań jobasy aıasynda biz yntalandyrý normalaryn odan saıyn jetildirip otyrmyz. Máselen, memlekettik qyzmetshi vedomstvolyq nagradamen jáne basqa da yntalandyrýdyń túrlerimen marapattalýy qamtamasyz etilýi tıis degen usynys engizýdemiz. Osyǵan oraı, biz búgingi kúni Memleket basshysy Jarlyǵynyń jobasyn ázirledik. Ol boıynsha vedomstvolyq «Úzdik memlekettik qyzmetshi» nagradasy engiziletin bolady», - deıdi agenttik tóraǵasy.
