Úzdik medıtsına qyzmetkerlerine «ALTYN SHIPAGER» syılyǵy tabystalady
NUR-SULTAN. QazAqparat - 12 maýsym kúni Beıbitshilik jáne kelisim saraıynda Medıtsına qyzmetkerleri kúnine oraı «Jastar energııasy - elordalyq densaýlyq isiniń qaýipsiz bolashaǵy» atty aýqymdy saltanatty is-shara ótedi, dep habarlaıdy ákimdiktiń resmı saıty.
«Jastar jyly» jyly jáne «Rýhanı jańǵyrý» baǵdarlamasy aıasynda uıymdastyrylǵan is-sharanyń basty oqıǵasy «ALTYN SHIPAGER» syılyǵyn tabystaý rásimi bolmaq.
Medıtsına salasynda ereń eńbek etken úzdik dárigerler men qyzmetkerler 11 nomınatsııa boıynsha marapattalady. Syılyqty tabystaý medıtsına salasynda qoǵamdyq sanany jańǵyrtýǵa, jas dárigerlerdi qoldaýmen qatar otandyq densaýlyq saqtaý salasynda básekege qabiletti ortany qalyptastyrýǵa baǵyttalady.
Shara aýqymdy shoý formatynda ótkizilip, kontserttik baǵdarlamada otandyq estrada juldyzdary qatysady. Sharanyń resmı bastalýyna deıin júrgizýshiler kelgen qonaqtarmen ınteraktıvti oıyndar júrgizip, búgingi jıyn týraly suhbattasady.
Qonaqtar men BAQ ókilderi qatysýshylardan suhbattar alyp, kókeıdegi saýaldaryna jaýap ala alady.
Saltanatty jıynnyń resmı bastalýy saǵat 16:00-de qala ákimi Baqyt Sultanovtyń quttyqtaý sózi men «ALTYN SHIPAGER» syılyǵyn tabystaýdan bastalady.
Sondaı-aq, qalǵan 10 nomıtsııamen medıtsınalyq qyzmetkerlerdi belgili qoǵam jáne ǵylym qaıratkerleri, tanymal sportshylar men elimizdiń birtýar tulǵalary marapattaıdy. Shaqyrylǵan qonaqtar arasynda QR Vıtse-premer-mınıstri Gúlshara Abdyqalykova, PÁ QHA sekretarıat meńgerýshisi Janseıit Túımebaev, QR Dúnıejúzilik densaýlyq saqtaý uıymynyń ókili Oleg Chestnov Densaýlyq saqtaý mınıstri Eljan Birtanov, QR tsıfrlyq damý, qorǵanys jáne aeroǵarysh ónerkásibi mınıstri Asqar Jumaǵalıevter bar.
