Úzdik maman tabylsa qyzmetten ketýge daıynmyn - Gıýzel Manıýrova
NUR-SULTAN. QazAqparat - Qazaqstan grek-rım, erkin jáne áıelder kúresi federatsııasynyń vıtse-prezıdenti Gıýzel Manıýrova qazaqstandyq sportshylardyń Olımpıadadaǵy ónerine pikir bildirdi, dep habarlaıdy QazAqparat tilshisi.
Onyń aıtýynsha, áıelder kúresi nátıjesin boljaý múmkin emes jáne statıstıka shyǵarý ońaı bolmaıdy.
«Sondyqtan áıelder kúresine qatysty naqty boljam jasaý ǵa kelmeıdi, ıaǵnı júldeli orynnan kórinýi tıis sportshylar keı kezde ótpeı qalady. Bul rette sátsizdik, óz kúshin durys baǵalamaý, 5 jyl boıy sportshylarǵa túsken psıhologııalyq qysym bizge teris nátıje berdi», - dedi Gýzel Manıýrova.
Sonymen qatar tilshiler odan óz erkimen otstavkaǵa ketýi múmkindigi týraly surady.
«Eger maǵan qaraǵanda kúres salasyn jaqsy meńgergen bireý bolsa, sondaı-aq sportqa janashyrlyǵy menen ústem bolsa jáne táýlik boıy kúrespen aınalysýǵa nıet tanytanyn maman shyqsa, onda ornymdy bosatýǵa daıynmyn. Men bul orynǵa talasyp turǵanym joq. Shyn máninde Olımpıada chempıondaryn tárbıeleýge qaýqarly adam bolsa, árıne daıynmyn», - dedi G. Manıýrova.
