Úzdik qazaqstandyq boksshylardyń TOP-ondyǵy ataldy

ASTANA. QazAqparat - Boxrec.com saıty qazaqstandyq on úzdik boksshynyń reıtıngin jasady, dep habarlaıdy Sports.kz.

Reıtıngte WBA Super, WBC jáne IBO tujyrymdary boıynsha orta salmaqtaǵy álem chempıony Gennadıı Golovkın (38-0-1, 34 KO) kósh bastap tur. Onyń upaıy -  848.

Odan keıingi orynda upaı sany Golovkınnen áldeqaıda az - Qanat Islam (25-0, 20 KO) tur, 125 upaı. Islam birinshi orta salmaqtaǵy WBO NABO, WBA-NABA jáne WBA Inter-Continental chempıondyq belbeýleriniń ıegeri.

Úzdik qazaqstandyq boksshylardyń úshtigin birinshi orta salmaqta óner kórsetetin Batyr Júkembaev (13-0, 11 KO) tuıyqtap tur. Oǵan 83 upaı berilgen.

TOP-10-ǵa engen qazaqstandyq boksshylardyń reıtıngi:

1. Gennadıı Golovkın (38-0-1, 34 KO) - 848 upaı
2. Qanat Islam (25-0, 20 KO) - 125
3. Batyr Júkembaev (13-0, 11 KO) - 83
4. Beıbit Shúmenov (18-2, 12 KO) - 63
5. Janqosh Turarov (22-0, 15 KO) - 60
6. Bekman Soılybaev (12-0, 4 KO) - 57
7. Alı Ahmedov (11-0, 8 KO) - 50
8. Baqtııar Eıýbov (14-0, 12 KO) - 46
9. Rýslan Madıev (12-0, 5 KO) - 45
10. Meıirim Nursultanov (7-0, 6 KO) - 45