«Úzdik ınvestor» baıqaýyna qatysýshylar sany 200-den asty

Belgili bolǵandaı, baıqaý aıaqtalysymen, jeńimpaz bas júlde - 500 myń teńgege ıe bolady. Al basqa da úzdik nátıje kórsetkender baǵaly syılyqtarmen marapattalady.

Qazirgi ýaqytta aralyq baqylaý 10 kóshbasshyny anyqtady. Birinshi orynda 1819 paıyzdyq kirispen eń joǵarǵy kórsetkish ıegeri top basynda tur. Al mundaǵy ortasha jyldyq kiris mólsheri 80-100 % qurap otyr. Aǵymdaǵy jyldyń 15 qyrkúıeginen bastalǵan konkýrs 15 jeltoqsanǵa deıin jalǵasady. Oǵan kámelet jasqa tolǵan jáne brokerlik esep-shotyn ashqan QR-nyń rezıdentteri qatysa alady. Baıqaý Almaty qalasy aımaqtyq qarjy ortalyǵynyń qoldaýymen Jeke ınvestorlar klýby jáne naryqtyń kásipqoı qatysýshylarynyń birlesken yqpalymen ótkizilip otyr.

«Meni, birinshiden, qatysýshylarǵa tegin brokerlik qyzmet qyzyqtyrsa, ekinshiden, konkýrs barysynda men brokerlik kompanııalarmen birge, basqa da naryq qatysýshylarynan ózime kerekti málimetterdi ala alamyn. Sonymen birge, olarmen tájirıbe almasý múmkindigim bolady», - deıdi Evgenıı Sıhımov.

Bul pikirdi baıqaýdyń taǵy bir qatysýshysy Andreı Smolıakov ta qostady: «Konkýrs kóptegen múmkindikterge jol ashady. Birinshiden, komıssııanyń joqtyǵy, ekinshiden, syı qory. Sondyqtan, biz baǵaly qaǵazdarmen qalaı saýdalasý kerektigi men Jeke ınvestorlar klýbynda oqý múmkindigimiz bar»,- deıdi ol.

Jeke ınvestorlar klýbynyń jetekshisi Serik Omarovtyń sózine qaraǵanda, bastamashyl ınvestordyń eń basty qateligi - kapıtaldy basqarýdaǵy táýekeldilikke durys qaramaý. Bul qandaı da bir ınvestıtsııalyq strategııanyń joqtyǵy men ınvestıtsııalyq sheshimderdi júıesiz qabyldanatyndyǵyn aıǵaqtaıdy. «Meniń keńesim - oqý, oqý jáne oqý. Óziniń qarjy saýattylyǵyn árdaıym kóterip otyrý, naryqty ýaqyt ótken saıyn emes, maqsatty túrde jáne ylǵı izdenip otyrý kerek»,-dedi ol.