Úzdik brendter reıtıngi shyqty
ASTANA. QazAqparat - Interbrand Halyqaralyq agenttigi Best Global Brands - 2017 úzdik brendter reıtıngin jarııalady, dep jazady Massaget.kz.
Bul reıtıngtiń alǵashqy oryndary Apple, Google men Microsoft kompanııalaryna buıyrdy. Al, sán áleminiń úzdigi dep eseptelgen Louis Vuitton brendi bar bolǵany 19 orynǵa turaqtady.
Interbrand agenttiginiń dırektory Rebekka Robıns: «Sán úıiniń mundaı jahandyq reıtıngte 19-shy oryn alýynyń ózi - úlken jetistik. Buǵan basty sebep bolǵan atalmysh sán úıiniń Supreme brendimen birlesken utymdy kollaboratsııasy boldy» - deıdi.
Eń úzdikter tizimin jasaý barysynda brendtiń kirisinen bólek, onyń qoǵamdaǵy belsendiligi men tanymaldyǵy da eseptelgen.
Sán áleminiń ózge alyptary da bul tizimnen tys qalmady. Mysaly, Hermès 32 orynǵa, Gucci 51 orynǵa, Burberry 86 orynǵa, Prada 94 orynǵa turaqtady.
