Úzdik avtorlyq baǵdarlama usynǵan ustazdar marapattaldy
ALMATY. QazAqparat - Búgin Almatyda bilim berýde úzdik avtorlyq baǵdarlama usynǵan qazaqstandyq ustazdar marapattaldy, dep habarlaıdy QazAqparat tilshisi.
Mektep muǵalimderi arasynda bul baıqaý 5 jyldan beri ótkizilip keledi.
Jyl saıyn respýblıkalyq mańyzy bar mektepter men balabaqsha tárbıeshileri, «Nazarbaev zııatkerlik mektebi» AQ ustazdary bilim berý salasyndaǵy avtorlyq jobalaryn usynady. Bıyl baıqaýǵa 278 maman qatysty, onyń ishinde 249 joba tóreshiler nazaryna usynyldy.
Keıbir jobalardy muǵalimderdiń toby oryndaǵan.
Óńirlerde usynystar shildeden bastap qabyldanady. Qarasha aıynda aımaqtyq týrlarda jeńgen úmitkerler fınaldyq baıqaýda baq synaıdy.
«Rýhanı jańǵyrý qoǵam máselesin sheshýdiń basty qaǵıdasy. Ýaqyttyń qoıyp otyrǵan jańa talaptary Qazaqstannyń bilim salasynyń da jańa ómirge saı bolýyn talap etedi. Innovatsııalyq tehnologııalardy, zamanaýı oqý quraldaryn engizýge muǵalim mártebesin kóterý, úzdik tájirıbeni anyqtaý jáne taratý, pedagog kásibıligin damytýǵa birinshi basymdyq bermeı qol jetkizý múmkin emes», - dedi «Daryn» RǴPO pedagogıkalyq sheberlik zerthanasynyń meńgerýshisi Aıgúl Qarqulova.
Baıqaý nátıjesinde 249 jobanyń 17-si úzdik dep tanylyp, 23 adam marapattaldy. Marapattaý Almatydaǵy Alataý shıpajaıynda ótti.
