«Úzdik áskerı qalashyq» baıqaýy bastaldy

ASTANA. 21 qazan. QazAqparat - Qazaqstan Respýblıkasy Qarýly Kúshterinde «Úzdik áskerı qalashyq» ataǵy úshin baıqaý bastaldy.

«Qorǵanys mınıstrliginiń uıymdastyrýymen eń úzdik qalashyqty anyqtaý maqsatynda atalǵan shara aǵymdaǵy jylǵy 21 qazan men 10 qarasha aralyǵynda óńirlik qolbasshylyqtarda, ásker tekteri men garnızondarda ótkiziletin bolady. Baıqaý turǵyn úı men qyzmettik qordy saqtaý, garnızon mańaıyn abattandyrý, turmys jaǵdaıyn jaqsartý, qaýipsizdikti saqtaý, áskerı qyzmettiń tynys-tirshiligin qamtamasyz etýdi tekserý arqyly júzege asyrylady», - delingen atalǵan vedomstvo baspasóz qyzmetiniń málimetinde.

Tekserýdiń qorytyndy nátıjelerin salystyrý arqyly eń kóp ball jınaǵan baıqaýǵa qatysýshy ujym jeńimpaz atanady.