Uzaqqa sozylǵan naýqastan keıin 64-ke qaraǵan jasynda belgili memleket qaıratkeri Sarybaı Qalmyrzaev ómirden ozdy

Sarybaı Sultanuly Qalmyrzaev 1949 jyldyń 10 maýsymynda Jambyl oblysynyń Shý aýdanynda dúnıege kelgen. Máskeý ekonomıka-statıstıka ınstıtýtyn, KSRO Mınıstrler Keńesi janyndaǵy Halyq sharýashylyǵy akademııasyn ekonomıka mamandyǵy boıynsha bitirgen.  Ekonomıka ǵylymynyń kandıdaty. Eńbek jolyn 1971 jyly bastaǵan. 1971-1987 jyldary - Qazaq KSR Ortalyq statıstıka basqarmasynda aǵa ekonomıst, bólim bastyǵy, basqarma bastyǵy, basqarma bastyǵynyń orynbasary bolyp jumys istegen.  1987-1997 jyldary -  Qazaq KSR Memlekettik statıstka komıteti tóraǵasynyń orynbasary, Qazaqstan Respýblıkasy Memlekettik múlikterdi basqarý jónindegi memlekettik komıteti tóraǵasynyń orynbasary, tóraǵasy.  1997-1999 jyldary - Qazaqstan Respýblıkasy Prezıdenti Ákimshiliginiń basshysy, Jambyl oblysynyń ákimi. 1999-2002 jyldary Prezıdent Ákimshiliginiń basshysy, Ákimshilik basshysynyń orynbasary bolǵan. 2003-2004  jáne 2008-2011 jyldary QR Prezıdentiniń is basqarýshysy bolyp jumys istegen. 2004-2008 jyldary Qazaqstan Respýblıkasynyń Ekonomıkalyq jáne sybaılas jemqorlyqpen kúres agenttigine basshylyq jasaǵan. 2011 jyldyń sáýirinen QR Prezıdenti Іs basqarmasy «Memlekettik rezıdentsııalar dırektsııasy» RMK-niń dırektory bolǵan.

«Qurmet», «Parasat», «Qazaqstan Respýblıkasynyń Tuńǵysh Prezıdenti Nursultan Nazarbaev» ordenderimen jáne  7 medalmen marapattalǵan.