«Uzaq jasaıtyn qazaqtyń sanyn qalaı kóbeıtemiz?» - respýblıkalyq basylymdarǵa sholý

Elbasy Nursultan Nazarbaevtyń Almatydaǵy keshegi jumys sapary aıryqsha tolymdy ári jemisti boldy. El Prezıdenti "Raıymbek batyr" beketinde metropolıten qurylysynyń barysymen tanysyp, "Qazaqstannyń Halyq banki" AQ-tyń jańa ortalyq keńsesin aralap kórdi, "Buqar jyraý Taýers" turǵyn úı kesheniniń qurylys alańynda boldy, sondaı-aq qalalyq ákimdikte Uly Otan soǵysyndaǵy Jeńistiń 65 jyldyǵyna oraı bir top ardagerlerge jańa páter kiltteri men marapattar tapsyrdy. Atalǵan taqyrypty arqaý etken maqala «Egemen Qazaqstan» basylymynyń búgingi sanynda «Almaty árqashan kóńilimniń tórinde» degen atpen berilipti. «Elbasy ardagerlerge turǵyn úı qurylysyn qarqyndatýǵa baǵyttal­ǵan memlekettiń ıgi isteri jaıynda áń­gimeledi. Aıtalyq, Qazaqstan­da­ǵy búkil turǵyn úı qurylysynyń 16 paıyzdan astamy Almaty úle­si­ne tıedi. Mundaǵy úleskerler sany da kóp. Qarjy daǵdarysyna jáne úleskerlerdiń kelisim-shartty jeke menshik qurylys kompanııalarymen jasasqanyna qarmastan, memleket osy oraıda qalyptasqan túıtkildi ahýalǵa kirisip, aldanǵan adamdarǵa kómektesý maqsatynda qarjy bóldi», - dep jazdy basylym.

Jaqynda adamzat ekinshi dúnıejúzilik soǵystyń aıaqtalǵan mereıtoıyn atap ótedi. Álemde áli de osy soǵysqa qatysqan mıllıondaǵan adam bar. Biraq tarıh pen osy zamannyń aıyrmashylyǵy sol, AQSh-tyń burynǵy vıtse-prezıdenti Ýolter Mondeıl aıtqandaı, "úshinshi dúnıejúzilik soǵysqa qatysýshylar qalmaıdy". Qazirgi zamannyń jyldam ózgeretin jańalyqtary qaýipsizdiktiń eski tetikterine jańasha qaraýdy qajet etedi. Sonyń ishinde, árıne, ıadrolyq qaýipsizdik birinshi orynda. «Egemen Qazaqstan» gazetiniń búgingi sany «Alyp aýqymdy álem jáne ıadrolyq qaýipsizdik» degen taqyryppen Elbasy N.Nazarbaevtyń ıAdrolyq qarýsyzdanýǵa baılanysty ótken jahandyq sammıtte sóılegen sózindegi negizgi máselelerge toqtalypty.

***

«Óńirlerdiń áleýmettik-ekonomıkalyq potentsıalyn birizdendirý Elbasy Joldaýynan bastap, memlekettik baǵdarlamalar mátininde basty nazarǵa alynatyn alǵyshart retinde kórsetilip júr. Alaıda osyndaı mindet pen maqsat qoıyp jatqanymyzǵa qaramastan, búgingi kún tájirıbesi oblystarymyzdyń áleýetindegi aıyrma ýaqyt ótken saıyn alshaqtap bara jatqandyǵyn aıǵaqtaıdy. Kóbine bul qubylysty mamandar jaǵrafııalyq, tabıǵı resýrstar túrliligimen, óndiris kúshi men ınvestıtsııanyń ornalasý ereksheligimen túsindirip jatady. Biraq zertteı kelgenimizde, bul aradaǵy negizgi másele aımaqtarda ınfraqurylymdardyń damymaýyna, kólik pen baılanys júıesi toraptarynyń ártaraptandyrylmaýyna kelip tirelýde», - dep jazdy «Alash aınasy» gazetiniń búgingi sany. Bul týraly tolyǵyraq gazettegi «Damýdaǵy alshaqtyq: kórsetkishter men sebep-saldarlar» degen taqyryppen berilgen maqaladan oqı alasyzdar.

«Basshysy joq mektep qaıtip kún kórer?..» Osy taqyryppen berilgen atalǵan basylymdaǵy kelesi maqala qoǵamdaǵy taǵy bir keleńsizdikti ortaǵa salypty. «Jasyrary joq, bizdiń elde dırektory joq mektepter de bar. Shaǵyn jınaqty mektep degen ataýy bar bul bilim oshaqtarynyń jaı-kúıi jańa tehnologııalar myqtap damyǵan ǵasyrda «tas dáýirin» eske túsiredi. Ońtústik Qazaqstan oblysy Tólebı aýdanyndaǵy Kishi Alshaly aýylyndaǵy Á.Moldaǵulova atyndaǵy mektepte nebári 18 ǵana oqýshy bar. 30 shaqty tútini bar aýylda bastaýysh mekteptiń baryna shúkirshilik etetinder de bar. 4 synypty bitirgen oqýshylar ary qaraı bilimin jalǵastyrý úshin kórshi aýyldarǵa qatynap oqýǵa májbúr. Úlken Alshalydaǵy mekteptiń ózi de - 9 synyptyq qana. Odan ári Uzynaryq aýylyndaǵy orta mektepke barady», - deıdi basylym.

Polsha astanasy Varshavada bokstan XXVII halyqaralyq «Felıks Stamm» týrnıri aıaqtaldy. Bul synda alty boksshymyz fınalǵa shyǵyp, olardyń teń jartysy altyn, al qalǵan úsheýi kúmis medal oljalady. Baıraqty básekedegi sharshy alańnyń qyzyǵyn «Alash aınasy» gazetiniń búgingi sanyndaǵy «Jeteýdiń altaýy júlde aldy» atty maqaladan oqı alasyzdar.

Sondaı-aq «Alash aınasy» gazetiniń dástúrli «Oı-kókpar» aıdarynda professor, farmatsevtıka ǵylymynyń doktory Keńes Úshbaev pen SPID-tiń aldyn alý jáne onymen kúrestiń respýblıkalyq ortalyǵynyń bas dırektory Vladımır Slesarev «Esirtkini almastyratyn «metadondyq baǵdarlama» nashaqorlyqpen kúrestiń tıimdi joly bola ala ma?» degen saýal tóńireginde pikir talastyrypty.

***

Búkil álem áli kúnge Qyrǵyzstanǵa syrttaı baqylyp, synaı qarap qana otyr, tipti qyrǵyz jeriniń qoınaýynda bar altyn syndy azdy-kópti kenderiniń kóbin astyna basqan, ıaǵnı ekonomıkalyq múddesi mol Reseıdiń ózi 30 mıllıon dollar qaryz-qarjy beretindigin aıtýmen tyndy. Al Qazaqstan qandaı kómek beredi? Bul týraly tolyǵyraq «Aıqyn» basylymynyń búgingi sanynda jaryq kórgen «Qazaq Úkimeti qamqor qolyn sozdy» atty maqaladan oqı alasyzdar.

«Uzaq jasaıtyn qazaqtyń sanyn qalaı kóbeıtemiz?». Osyndaı saýalǵa qurylǵan «Aıqyn» gezetindegi kelesi maqala Qazaqstanda gerontologııanyń kókeıkesti máseleleri men ony jetildirýdiń joldaryna taldaý jasapty. «Elbasynyń Qazaqstan halqyna arnaǵan joldaýynda adam densaýlyǵyn saqtaýǵa, olardyń ómir jasyn uzartýdyń joldaryn qarastyrýǵa erekshe mán berilip, azamattarymyzdyń belsendi ómir súrýin ortasha 72 jasqa jetkizý tapsyryldy. Alaıda munyń úsh jaǵy bar: birinshi - áleýmettik, ekinshi - bıologııalyq jáne úshinshisi - medıtsınalyq jaǵy. Osy máselelerdi birinen biri ajyraǵysyz qarastyryp, naqty sharalar qoldanǵanda ǵana, elimizde adam jasyn ulǵaıtýǵa bolady eken», - dep jazdy basylym.

«Elbasynyń tapsyrmasy boıynsha birde-bir shaǵyn jáne orta bıznes baqylaýsyz qalǵan joq», - deıdi Qarjy mınıstri Bolat Jámishev «Aıqyn» gazetine bergen suhbatynda. Qarjy salasyndaǵy ózekti máseleler tóńireginde mınıstrmen oı bóliskińiz kelse, atalǵan basylymnyń «Aq sóıle!» aıdaryndaǵy suhbatqa nazar aýdaryńyz.

***

Keshe Astanada TMD elderi muǵalimderiniń basyn qosqan I quryltaı bastaldy. Bilim jáne ǵylym mınıstrliginiń bastamasymen óótkizilip jatqan sezge 500-ge tarta bilikti mamandar qatysýda. Egjeı-tegjeıin «Astana aqshamy» basylymynyń búgingi sanynda jaryq kórgen «TMD elderi muǵalimderiniń I sez bastaldy» degen maqaladan oqı alasyzdar.

Qazaqstan Respýblıkasynyń eńbek sińirgen ártisi, Memlekettik syılyqtyń ıegeri, Abaı atyndaǵy Qazaq memlekettik akademııalyq opera jáne balet teatrynyń solısi, Qurmanǵazy atyndaǵy Ulttyq konservatorııanyń professory, Máskeý halyqaralyq shyǵarmashylyq akademııasynyń akademıgi Shahımardan Ábilov asqarly alpys jasqa tolyp otyr. Osyǵan oraı «Astana aqshamy» gazetiniń búgingi sany áıgili óner sańlaǵymen suhbattasyp, shyǵarmashylyǵy jóninde ulttyq án klassıkamyz tóńireginde áńgime órbitipti. Suhbat «Bir kún án aıtpasam, aýyryp qalamyn» degen taqyryppen berilgen.

Aǵymdaǵy aıdyń basynda elordanyń áleýmettik-ekonomıkalyq damýyna qatysty ótken alqaly jıynda Elbasy Nursultan Nazarbev qala ákimdigine bas qaladaǵy baspana máselesin sheshýdi myqtap tapsyrdy. «Nur Otan» HDP-nyń Astana qalasy boıynsha fılıalyna atalǵan tapsyrmanyń oryndalýyn qadaǵalaýdy júktedi. «Astana aqshamy» gazetindegi «Baspana máselesin baıyptaı bileıik» atty kelesi maqalada «Nur Otan» partııasynyń elordalyq fılıaly tóraǵasynyń orynbasary Ámirhan Rahymjanov, Astana qalasy Turǵyn úı basqarmasy bastyǵynyń orynbasary Rýslan Ahmetov pen Qurylys basqarmasynyń bastyǵy Vladımır Lıýtov elordadaǵy baspana máselesine qatysty týyndaǵan saýaldarǵa jaýap beripti.