Uzaq jasaýdyń joly bar ma?
ASTANA. QazAqparat - 22-23 mamyr kúnderi Nazarbaev ýnıversıtetinde III «Regeneratıvtik medıtsına jáne sapaly uzaq ǵumyr jasaý» atty halyqaralyq ǵylymı konferentsııa ótedi, dep jazady aikyn.kz.
Jıynnyń basty maqsaty - regeneratıvtik medıtsına men sapaly ǵumyrjas máselelerin jáne osy saladaǵy aldyńǵy qatarly jetistikterdi talqylaý bolyp tabylady. Osy jyly konferentsııanyń negizgi taqyryby gerontolgııa jáne bıomedıtsına (regeneratıvtik medıtsına) salasyndaǵy ǵylymı jumystar men ınnovatsııalyq zertteýler júrgizýdegi halyqaralyq yntymaqtastyqty damytýǵa arnalady. Konferentsııa aıasynda bıomedıtsına men bıotehnologııalar máselelerine qatysty ǵylymı eńbekter usynylyp, 24 jas ǵalym arasynda tuńǵysh ret baıqaý uıymdastyrylady.
