Uzaq jasaý jaǵynan Japonııa taǵy da alǵa shyqty
ASTANA. QazAqparat - Adam ómiriniń uzaqtyǵy jaǵynan taǵy da Japonııa aldyńǵy orynǵa shyqty. Bıylǵy kórsetkish boıynsha kún shyǵys elindegi er adamdardyń ortasha ómir jasy taǵy da 80-nen asty, dep habarlady Healthvesti.
Sonymen qatar, áıel adamdardyń da ómir jasy sońǵy eki jyl qatarynan 86, 61-ge jetip, álemdegi eń uzaq ómir súrýdiń úlgisin kórsetti. Bıylǵy esep boıynsha, onda uzaq jasaý jaǵynan er adamnyń jasy 0,27-ge áıel adamdiki 0,20 jasqa artyq bolyp otyr, dep jazady aqparat kózi. Deni saý ult atanyp, mundaı jetistikke jetýdiń basty sebebi - medıtsınanyń arqasy, dep málimdedi Japonııa Áleýmettik qamsyzdandyrý mınıstrligi. Mınıstrlik ókiliniń aıtýynsha, medıtsınadaǵy jetistiktiń arqasynda olar qazir ókpe aýrýy, júrek talmasy, qan qysymy men qaterli isik aýrýlarynyń betin qaıtara alyp otyr. Eger dári-dármek salasyndaǵy tynymsyz izdenis ári qaraı nátıjeli jalǵasa beretin bolsa, adam ómirin budan da uzartýǵa bolady, dep esepteıdi japondyqtar. Aıta ketý kerek, japon áıelderi eń uzaq ómir súrý jaǵynan osymen 26 jyl boıy bárinen de alda keledi.
