Uzaq uıqy aljasýdyń belgisi bolýy múmkin

Frantsııanyń densaýlyq saqtaý ulttyq ınstıtýty mamandary 5000 adamnyń densaýlyǵyn tekserip, osyndaı qorytyndyǵa keldi.

Klodın Berr bastaǵan zertteý­shiler jasy 65-ten asqan qarııa­lar­dy baqylaýǵa alǵan. Olardyń besten biriniń shamadan tys uıyq­taıtyny anyqtaldy jáne dál osy top ıntellektýaldy testileýden óte almaǵan. Al az uıyqtaıtyn, ser­gek júretin qarııalarda aljasý belgi­leri baıqalmaǵan. «Demek, uıqy­nyń sapasy adamnyń aqyl-oı múmkindikteriniń nashar­laýy­nyń kórinisi bola alady», - deıdi mamandar. Bul pikirdi amerıkalyq dárigerler de qýattap otyr. Bir kezderi medbıke bolyp jumys istegen 15 myń áıeldi testileýden ótkizýdiń nátıjesinde kóp uıyq­taıtyn adamdardyń Alts­geımer aýrýyna beıim bolatyny ras­taldy, dep jazady «Alash aınasy» basylymy.