Uzaq merzimge saqtalatyn suıyq sút ónimderin tutyný arta túspek
ALMATY. Jeltoqsannyń 4-i. QazAqparat /Ádilet Musahaev/ - «Tetra Pak» kompanııasynyń boljamyna sáıkes 2012 jylǵa deıin suıyq sút ónimderin paıdalaný artyp, bir jyldyq tolyq kórsetkishi 2,2 paıyzǵa deıin jetedi. Bul jaıynda Shveıtsarııanyń «Tetra Pak» kompanııasynyń Prezıdenti Dennıs Ionsson keshe ótken ınteraktıvti konferentsııa barysynda málim etti,
dep habarlaıdy QazAqparat.
Tikeleı jelide ótken májilisti álemniń 70-ten astam eliniń «Tetra Pak» kompanııalarynyń basshylary men qyzmetkerleri qarap, óz taraptarynan suraqtar qoıyp jatty.
Shara barysynda búgingi kúngi «Tetra Pak» sút ónimderiniń naryqtaǵy kórsetkishteri, álemdik sút ónimin shyǵarý ónerkásibiniń jańalyqtary, sandary men úrdisteri kórsetildi. Sonymen qatar uzaq merzimge saqtalatyn sút pen basqa da suıyq sút ónimderin paıdalanýdyń artýy jaıly boljam jasaldy. Bul kórsetkish damyǵan naryqtarda 2008 ben 2009 jyldar arasynda 0,6 paıyzdy quraǵan.
«Daǵdarys óndiristiń kóptegen salalaryna áser etkenimen, sút pen suıyq sút ónimderin paıdalanýǵa kóp áser ete almady», deıdi D.Ionsson. Onyń aıtýynsha, sút paıdaly da, qunarly jáne salystyrmaly túrde arzan ónim bolyp tabylady. Sondyqtan ony halyqtyń 44% kúndelikti iship turady. «Osy saladaǵy tutynýshy suranysy birshama arzan ónimderge qaraı aýysqanyna qaramastan jalpy naryq turaqty bolyp qalýda», deıdi ol.
Sondaı-aq ol 2009 jyldyń aıaǵynda álem boıynsha suıyq sút ónimderin paıdalaný shamamen 263 mlrd. lıtrge jetedi dep boljaýda, al 2008 jyly bul kórsetkish 259 mlrd. lıtrdi quraǵan.
