Uıytqyma jeldiń saldarynan Bishkektiń ortalyq alańyndaǵy merekelik bezendirý búlindi
BІShKEK. 19 naýryz. QazAqparat - Kúshti jeldiń saldarynan Bishkek qalasynyń «Ala-Too» ortalyq alańynda ornatylǵan merekelik 24 panno búlindi, dep habarlaıdy menshikti tilshimiz.
Bishkek qalalyq ákimshiliginiń jarnama departamenti aldaǵy Naýryz merekesin atap ótý úshin ornatylǵan 24 merekelik bılbord jaramsyz bolyp qalǵanyn habarlaıdy. Búlingen pannolardy qalpyna keltirý úshin jergilikti bıýdjetten 247 111 som qajet (shashamen bes myń AQSh dollary).
Qyrǵyzstan astanasynda kóktemgi Naýryz merekesi úshin merekelik bezendirýlerdi daıyndaýǵa jáne ornatýǵa qalalyq bıýdjetten 1 093 637 som bólingen bolatyn, sonyń ishinde «Ala-Too» alańyn bezendirýge 750 974 som jumsaldy.
