Uıymdastyrýshylar Ýnıversıadanyń basty qupııasyn ashty
ALMATY. QazAqparat - «Ýnıversıadanyń ashylý saltanatynda tek qazaqstandyq ártister, oryndaýshylar, bıshiler óner kórsetedi. Bizdiń basty qupııalarymyzdyń birin ashyp otyrmyn», dedi 28-shi Búkilálemdik qysqy Ýnıversıadany daıyndaý jáne ótkizý jónindegi dırektsııasy dırektory Naıl Nýrov. Bul týraly QazAqparat tilshisi habarlaıdy.
«Ýnıversıadanyń ashylý saltanatynda tek qazaqstandyq ártister, oryndaýshylar, bıshiler óner kórsetedi. Bul da bizdiń úlken jetistigimiz, qupııamyzdyń biri - osy. Sonymen qatar, ashylý saltanatyn qoıý, óńdeý, dekoratsııasyn jasaýda tek qazaqstandyq kompanııalar ǵana qatysyp otyr. Biz osylaı jasaı alatynymyzdy aıta ketý kerek», dedi Naıl Nýrov.
Óz sózinde Ýnıversıada dırektsııasynyń dırektory ashylý saltanatyna qatysqysy keletinderdiń kóp ekenin, alaıda oryn bárine jetpeıtinin aıtty.
«Almaty arenaǵa» 12 000 adam syıǵanymen, kóp oryn dekoratsııalyq kórneki quraldaryna bólindi. Biz qonaqjaı halyq retinde árıne, birinshi qonaqtarǵa oryn berýimiz kerek. Sondyqtan, saltanatty ashylý sharasyna qatysýǵa múmkindik bolmaı jatqandardan arnaıy keshirim suraımyz», - dedi N.Nýrov.
