Uıymdastyrýshylar múmkindigi shekteýli qyz-kelinshekterge arnalǵan baıqaý jóninde aıtyp berdi
Búgin Almatyda ótken baspasóz máslıhatynda «Alma-Ata» áıelder klýbynyń tóraıymy Bent-Anat Beısembaeva baıqaýdy ótkizý ıdeıasy qalaı týyndaǵanyn aıtyp berdi. Baıqaýdy uıymdastyrý týraly oı reseılik telebaǵdarlamadan qoǵam qaıratkeri, arbaǵa tańylǵan arýlar arasyndaǵy «Álem arýy-2013» baıqaýynyń jeńimpazy Ksenııa Bezýglovany kórgennen keıin týyndady.
«Alma-Ata» áıelder klýbynyń basqarma múshesi Darıǵa Tshensovskaıanyń aıtýynsha, uıymdastyrýshylar K.Bezýglovamen habarlasyp, baıqaý týraly oılaryn aıtqan. «Ksenııa kelisimin berdi. Jáne baıqaý jeńimpazynyń «Órkenıet arýy - 2016» baıqaýyna joldama alýy týraly kelisimin aldyq. Bul Qazaqstandaǵy múgedek áıelder úshin úlken múmkindik bolmaq», - dedi ol.
Sonymen birge, uıymdastyrýshylar baıqaý júldeleri týraly áńgimeledi: «Bas júldeni qupııada qaldyramyz. Aıtarym, ol syılyq árbir adam alǵysy keletin zat bolady», - dedi D.Tshensovskaıa.
Baspasóz-konferentsııasy kezinde ekinshi oryn ıegerine Arab Ámirlikterine - eki bılet, úshinshi orynǵa teledıdar beriletini habarlandy. «Sondaı-aq qatysýshylardyń barlyǵy baǵaly syılyqtar alady», - dep ýáde etti uıymdastyrýshylar.
Buǵan deıin habarlanǵandaı, sharany «Alma-Ata» Áıelder klýby qoǵamdyq uıymy qolǵa alyp otyr. Baıqaýǵa 21 jáne 50 jas aralyǵyndaǵy, taǵdyrdyń tálkegimen múgedek arbasyna tańylǵan qyz-kelinshekter qatysa alady.
Saıys tórt kezeńnen turady: Birinshi, 6 qazanǵa deıin ótinishter qabyldanady. Qatysýshylardyń suraýy boıynsha irikteý kezeńi 2016 jyldyń 6 qazanynan 11 qazanǵa deıin ótedi. Іriktelgen qatysýshylardy daıyndaý kezeńi 11 qazannan 11 qarashaǵa deıin júredi.
Jarys fınaly 12 qarashada «Almaty Taýers» ǵımaratynyń «Ball room» saltanat zalynda ótedi.
Qatysýshylarmen jattyqtyrýshylar, horeograftar, stılıster, vızajıster jáne psıhologtar jumys júrgizetin bolady.
Qorytyndy keshke Qazaqstannyń estarada juldyzdary qatysady.
Jarysqa qatysý saýalnamasyn www.womensclub.kz «Alma-Ata» Áıelder klýbynyń saıtynan tabýǵa bolady.
