Uıymdastyrý komıteti olımpıadalyq alaý estafetasynyń sońǵy kezeńine qatysatyndardy atady
ASTANA. Aqpannyń 9-y. QazAqparat - «Sochı 2014» Olımpıadalyq komıtetiniń bas dırektory Dmıtrıı Chernyshenko aqpannyń 12-si, Vankýver Olımpıadasynyń ashylýy kúni, olımpıadalyq alaý estafetasyna qatysady,
dep habarlaıdy ITAR-TASS agenttigi.
Vankýver Olımpıadasynyń Uıymdastyrý komıtetiniń aqparaty boıynsha, olımpıadalyq alaý qozǵalysy tarıhyndaǵy osynaý eń uzaq estafetanyń 106-shy kúni alaýdy Kalıfornııa shtatynyń gýbernatory Arnold Shvartsnegger, 2012 jylǵy London Olımpıadasynyń uıymdastyrý komıtetiniń tóraǵasy Sebastıan Koen, kanadalyq ataqty hokkeıshi Ýeın Grettskıdiń ákesi Ýolter Grettskı alyp júretin bolady. Estafeta Batys Vankýverde saǵat 6.00-da (máskeý ýaqyty boıynsha 17.00-de) bastalyp, qalanyń ortalyq aýdandary arqyly júrip ótip, Olımpıadanyń ashylý saltanaty ótetin «Bı-Sı Pleıs» arenasyna jetkiziledi.
