Uıymdasqan qylmystyq toptyń múshesi Sankt-Peterbor qalasynda qolǵa tústi - ІІM
ASTANA. 25 sáýir. QazAqparat - Qostanaı oblysynyń ІІD Uıymdasqan qylmysqa qarsy kúres basqarmasynyń qyzmetkerleri reseılik jedel ýákildermen birlese otyryp, adam óltirgeni úshin 2008 jyldan beri izdeýde júrgen 31 jastaǵy uıymdasqan
qylmystyq toptyń múshesin Sankt-Peterbor qalasynda qolǵa túsirdi. Bul týraly búgin ІІM-de ótken brıfıng barysynda vedomstvo Baspasóz qyzmetiniń basshysy Nurdildá Oraz málim etti.
Baspasóz hatshysynyń aıtýynsha, 2007 jyly maýsymda qylmysker aldyn ala kelisken bir top adammen Qostanaı oblysy Altynsarın aýdanynyń aýmaǵynda «Ekaterınbýrg-Almaty» tas jolynyń boıyndaǵy 588 shaqyrymynda ornalasqan janar-jaǵar maı quıý stantsııasyna shabýyl jasaıdy. Stansanyń operatoryn óltirip, 2 mıllıon teńgege jýyq aqshany, sondaı-aq uıaly baılanystyń 250 tólem kartochkasyn urlap ketken.
«Ustalǵan qylmysker qazirgi ýaqytta Sankt-Peterbor qalasyndaǵy ýaqytsha ustaý ızolıatorynda. Ony Qazaqstanǵa ekstradıtsııalaý máselesi sheshilýde», - deıdi N. Oraz.
Budan bólek, Jambyl oblysynyń ІІD krımınaldyq polıtsııa qyzmetkerleri Taraz qalasynda jedel-izdestirý barysynda qaraqshylyq shabýyl jasaǵany úshin izdeý jarııalanǵan 28 jastaǵy jergilikti turǵyndy ustaǵan.
Kúdikti 2010 jylǵy qyrkúıekte túngi saǵat 2-de Rysqulov aýdanyndaǵy Qulan saparjaıynda almatylyq fırma dırektory orynbasarynyń basqarýyndaǵy «Infınıtı FH-35» avtomashınasyna qaraqshylyq shabýyl jasaǵan. Kólik ıesin uryp-soqqan qaskúnemder baǵaly zattar men aqshany jymqyryp, oqıǵa ornynan jasyrynyp ketken. «Qazirgi ýaqytta ol ýaqytsha ustaý ızolıatoryna qamaldy, tergeý amaldary júrgizilip, sybaılastaryn izdestirý sharalary jalǵasýda», - deıdi N. Oraz.
