Uıymdasqan qylmystyq toptyń bir múshesinen atys qarýy tárkilendi
ALMATY. 15 Qarasha. QazAqparat /Názıra Eleýhan/ - Almaty qalalyq uıymdasqan qylmyspen kúres basqaramasy "Naızaǵaı" respýblıkalyq sharasy aıasynda "Aıshýaq- Jantúgel" dep atalǵan uıymdasqan qylmystyq toptyń bir múshesinen atys qarýyn tárkiledi.
Qylmyskerdi ustaý jónindegi arnaıy operatsııa Bostandyq aýdanynda ótken.
"M. esimdi 43 jastaǵy azamat uıymdasqan qylmystyq toptyń múshesi bolyp tabylady. Biz onyń kóligin Navoı kóshesinde toqtattyq. Tekserý barysynda onyń qaltasynan jeti oqpen oqtalǵan 7,62 mm oqpandy «TT» markaly tapanshany taptyq",- dedi Almaty qalasy ІІD uıymdasqan qylmyspen kúres basqaramasynyń bastyǵy, polıtsııa polkovnıgi Valerıı Kozlov.
Onyń aıtýynsha, ustalǵan azamat buryn adam óltirgendigi úshin sottalǵan. "Qazir onyń búgingi qyzmeti jáne basqa da aýyr qylmystarǵa qatysy bar, joǵy anyqtalatyn bolady. Ol qazir ýaqytsha qamaýǵa alyndy. Al tárkilengen tapansha ballıstıkalyq saraptamaǵa jiberildi",- dedi polkovnık Valerıı Kozlov.
