Uıymdasqan qylmystyq toptar «Qorǵas» kedendik beketindegi burynǵy yqpaldaryn qaıtaryp alýǵa tyrysýy múmkin - Keden komıteti
«Biz «Qorǵas» beketinde avtokólikterdiń dóńgelekterin jaryp ketý oqıǵalary jóninde baǵdarlamany kórdik. Bul bir-birine básekeles tasymaldaýshy kompanııalar nemese uıymdasqan qylmystyq toptardyń istegeni bolýy múmkin. Olar óz kezeginde shekaradaǵy kedendik baqylaýdyń ornyqty jumysyna kedergi keltirýdi kózdeýi yqtımal. Ózderińiz biletindeı, «Qorǵas isi» UQT-ny ǵana emes, sonymen qatar, memlekettik organdar qyzmetkerlerin de qamtyǵan bolatyn. Qazir de sol bir adamdar burynǵy jaǵdaıdy qaıtaryp alǵylary keledi. Sonyń barysynda kólikterdiń dóńgelekterin tesip ketý, júrgizýshilerdi qorqytý faktileri oryn alyp jatyr», - dedi A. Erjanov.
Komıtet basshysynyń taǵy bir orynbasary Igor Ten kedendik organdar mundaı faktilerge qarsy barlyq sharalardy atqaryp jatqandyǵyn atap ótti.
«Bizde shekaradan kirgen tustan bastap, barlyq kólikter beınebaqylaýǵa alynatyn boldy. Kedendik beket aýmaǵynda jedel top jumys isteıdi. Kólikterdiń dóńgelekterin tesip ketý oqıǵalary syndy kishigirim buzaqylyqtar oryn almaıtynyna senimdi bolyńyzdar», - dep túıdi ol.
