Uıymdasqan qylmystyq topqa kómektesken qostanaılyq polıtseıge úkim shyqty
QOSTANAI. QazAqparat - Qostanaı qalalyq sotynda uıymdasqan qylmystyq toppen baılanys jasaǵan tártip saqshysyna úkim shyqty, dep habarlaıdy «QazAqparat» HAA tilshisi oblystyq sottyń baspasóz qyzmetine silteme jasap.
Іs materıaldaryna súıensek, tártip saqshysy E.Qanapın 2012 jylǵy 1 maýsym men 24 tamyz aralyǵynda R.Asylbaev, A.Petrenko jáne N.Kıseleva qurǵan qylmystyq toptyń esirtki satýyna kómektesken.
«Qanapın óziniń qyzmettik jaǵdaıyn zańǵa qaıshy paıdalana otyryp, uıymdasqan qylmystyq topqa geroın ótkizýge járdemdesti. Ol qylmystyq top múshelerinen syıaqy túrinde aqsha men esirtki zattaryn alyp otyrǵan. E. Qanapın QR QK 307-babynyń 4-bóligi boıynsha aıyptaldy», -delingen oblystyq sottyń baspasóz habarlamasynda.
Sot úkimimen E.Qanapınge 3 jylǵa bas bostandyǵynan aıyrý jazasy taǵaıyndaldy. QR QK 49-baby, 1-bóligine sáıkes, burynǵy tártip saqshysy aǵa leıtenant sheninen aıyryldy.
Úkim zańdy kúshine engen joq.
