Uıymdasqan qylmystyq top jetekshisi Erkin Іzbasarovty tutqynda ustaý merzimi taǵy bir aıǵa uzartyldy
AQTÓBE. QazAqparat - Aqtóbede munaı urlap, zańsyz jolmen satty degen kúdikke ilikken uıymdasqan qylmystyq top jetekshisi Erkin Іzbasarovty tutqynda ustaý merzimi bir aıǵa uzartyldy. Ol KA 168/1 túzeý mekemesinde otyr, dep habarlaıdy QazAqparat tilshisi.
Aqtóbe oblysynda uıymdasqan qylmystyq top qurdy, munaı urlap, satty degen kúdikpen 22 adam tutqynda otyr. Olardyń arasynda «Aǵaıyndy tórteý» degen laqap atpen belgili Erkin Іzbasarov bar.
«Erkin Іzbasarovtyń tergeý oqshaýlaýyndaǵy merzimi 3 naýryz kúni qaıta sozyldy. Tutqynda ustaý merzimi 7 sáýirge deıin uzartyldy. Sonymen qatar, osy is boıynsha 22 adam ártúrli merzim boıynsha tergeý oqshaýlaǵyshynda otyr. Olardyń da merzimi kezeń-kezeń boıynsha uzartylyp jatyr»,- dedi oblystyq sottyń baspasóz hatshysy Ilıada Dosova.
Aıta keteıik, Erkin Іzbasarov qazir Aqtóbedegi KA 168/1 túzeý mekemesinde otyr. Mekeme qyzmetkerleri І-top múgedeginiń densaýlyǵyna qatysty qandaı da bir aqparat berýden bas tartty.
Erkin Іzbasarov ótken jyldyń jeltoqsan aıynda ustalyp, qamaýǵa alynǵan bolatyn .
