Uıymdasqan qylmyspen kúres basqarmasynyń qyzmetkerleri jedel izdestirý sharasy barysynda náreste urlaǵan qyzdy qolǵa túsirdi - brıfıng
ASTANA. Jeltoqsannyń 22-si. QazAqparat /Quralaı Orynbekqyzy/ - Uıymdasqan qylmyspen kúres basqarmasynyń qyzmetkerleri jedel izdestirý sharasy barysynda náreste urlaǵan qyzdy qolǵa túsirdi. Bul týraly búgin Astana qalasy Іshki ister departamentinde ótken brıfıngte Uıymdasqan qylmyspen kúres jónindegi basqarma bastyǵy Sáken Ábdirahmanov málim etti,
dep habarlaıdy QazAqparat tilshisi.
«Astana qalasy ІІD «Almaty» aýdandyq Іshki ister basqarmasyna 5 aılyq náresteniń joǵalǵandyǵy týraly shaǵym tústi. Oqıǵa ornyna jetken polıtseıler urlanǵan náresteniń anasy sol kúni týǵan kúnin atap ótkendigin anyqtady. Al túnde anasy balasynyń joq ekendigin baıqaǵan. Balanyń ata-anasy ózderiniń kórshisi 1992 jylǵy A. esimdi qyz alyp ketýi múmkin dep kúdiktendi», - dedi S.Ábdirahmanov. Uıymdasqan qylmyspen kúres jónindegi basqarmanyń qyzmetkerleri dereý shuǵyl qımyldap, ol qyzdy qolǵa túsirdi, náreste ata-anasyna qaıtaryldy.
«13 jasynan bastap ata-anasynan oqshaýlaý ósken, kámeletke tolmaǵan kúdikti elordada jalǵyz páter jaldap turǵan. Búginde ol polıtsııa qyzmetkerlerine balany qandaı maqsatpen urlaǵandyǵy týraly jaýap berýde. Ol Astana qalasy ІІD kámeletke tolmaǵan balalardy beıimdeý, oqshaýlaý, ońaltý ortalyǵyna jabyldy. Sondaı-aq QR Qylmystyq kodeksi 125-shi babynyń 2-shi bólimi boıynsha qylmystyq is qozǵaý máseleleri qarastyrylýda. Qazir psıhıatrııalyq saraptama júrgizilýde», - dep atap ótti basqarma bastyǵy.
