Uıyqtap jatqanda óltirgen: Jetisý oblysynda kúıeýin pyshaqtaǵan áıel sottaldy
Tekeli qalasynyń turǵyny Evgenııa Kıtsenko 30 jastaǵy kúıeýin ózi óltirgenin moıyndap otyr. Ol bul qylmysty joldasy uıyqtap jatqanda jasaǵan. Іshimdik iship kelgen kúıeýi janjal shyǵaryp, uıyqtap qalǵan. Sol mezette áıeli júrek tusyna 6 ret pyshaq suqqan. Al kúıeýiniń máıitin úıinde 25 kún boıy jasyrǵan - qonaqúı bólmesindegi edendi ashyp, múrdeni sol jerge kómip tastaǵan. 25 kúnnen keıin polıtsııaǵa qylmysy jaıly ózi habar bergen.
E.Kıtsenko 15 jasynda turmysqa shyqqan. Joldasymen 9 jyl bir shańyraq astynda ómir súrgen. Ekeýiniń ortaq úsh balasy bar. Biraq kúıeýiniń qalaýymen azamattyq nekede ómir súrgen.
«Kúıeýim ekeýimizdiń aramyzda kıkiljiń ylǵı boldy. Іshimdigin iship alyp, maǵan da, balalarymyzǵa da kún kórsetpedi. Sóılesem de, sóılemesem de jaqpadym. Úıde ylǵı janjal bolatyn. Tipti meniń dalada túnegen kúnderim de az emes. Polıtsııaǵa shaǵymdandym, biraq olar tek zań aıasynda ony ákimshilik jaýapkershilikke ǵana tartyp, 10-15 kúnge qamap, qaıta jiberetin. Sebebi, zań solaı, osal. Mine, otbasylyq janjaldyń sońy osylaı adam ólimimen aıaqtalyp tur. Jaraıdy, 15 jyldan keıin men shyǵamyn. Biraq balalarymnyń taǵdyry ne bolady?!»,- dedi QazAqparat tilshisine sottalýshy Evgenııa Kıtsenko.
Jetisý oblystyq qylmystyq ister jónindegi mamandandyrylǵan aýdanaralyq sotynyń tóraǵasy Baqyt Ermahanov balalarǵa qatysty bólek úkim shyǵardy. Oǵan sáıkes olar balalar úıine nemese basqa da mekemeler qamqorlyǵyna beriledi.
