Ýytty ballon shashyraýynan japa shekken balalardyń jaǵdaıy belgili boldy
ALMATY. QazAqparat - Almatyda dárigerler ýytty ballonnyń shashyraýynan japa shekken oqýshylardyń densaýlyǵy týraly túsinikteme berdi, dep habarlaıdy QazAqparat tilshisi.
Tótenshe jaǵdaı týraly habarlama 17:05-te túsken. Oqıǵa ornyna 11 jedel járdem brıgadasy shyqqan.
Barlyǵy 36 oqýshy Balalarǵa shuǵyl medıtsınalyq kómek berý ortalyǵyna jetkizildi.
Oqýshylarǵa belgisiz zatpen ýlanǵan degen dıagnoz qoıyldy.
«Balalardy bilikti mamandardan quralǵan mýltıdıstsıplınarlyq komanda qarap shyqty. 2 bala ambýlatorııalyq em qabyldaýǵa úıine jiberildi, 33 bala toksıkologııa bólimshesine jatqyzyldy. Olar dárigerlerdiń baqylaýynda bolmaq. 1 bala jansaqtaý bólimine jatqyzyldy. Qazir dıagnostıkalyq jumystar júrgizilip jatyr», - dedi qalalyq Densaýlyq saqtaý basqarmasynyń baspasóz qyzmetinen.
Aıta ketý kerek, №173 mektepte túski 16:00 shamasynda tótenshe jaǵdaı oryn aldy.
7 synyp oqýshylary úlken qońyraý kezinde ýytty ballondy shashyp alǵan.
