Ýytty ballon shashyraýynan japa shekken 4 bala úıine qaıtaryldy
ALMATY. QazAqparat - Almatyda dárigerler ýytty ballonnyń shashyraýynan japa shekken 4 balany úılerine qaıtardy, dep habarlaıdy QazAqparat tilshisi.
Tótenshe jaǵdaı týraly habarlama 17:05-te túsken. Oqıǵa ornyna 11 jedel járdem brıgadasy barǵan. Barlyǵy 36 oqýshy Balalarǵa shuǵyl medıtsınalyq kómek berý ortalyǵyna jetkizilip, oqýshylarǵa belgisiz zattan ýlanǵan degen dıagnoz qoıyldy.
«Balalardy bilikti mamandardan quralǵan mýltıdıstsıplınarlyq komanda qarap shyqty. Dıagnostıkalyq tekserýlerden soń 6 bala ambýlatorııalyq em qabyldaýǵa úıine jiberildi. Toksıkologııa bólimshesinde 29 bala qaldy. Olar dárigerlerdiń baqylaýynda bolmaq. 1 bala jansaqtaý bólimine jatqyzyldy. Qazir dıagnostıkalyq jumystar jalǵasyp jatyr. Balalardyń ómirine qaýip tónip turǵan joq», - dep habarlady qalalyq Densaýlyq saqtaý basqarmasynyń baspasóz qyzmetinen.
Aıta ketý kerek, №173 mektepte túski 16:00 shamasynda tótenshe jaǵdaı oryn aldy.
7 synyp oqýshylary úlken qońyraý kezinde ýytty ballondaǵy zatty shashyratyp alǵan.
