Úıirli shegirtkelerge qarsy kúres sharalary jalǵasyp jatyr

ASTANA. KAZINFORM — Qazirgi tańda aýyl sharýashylyǵy alqaptarynyń 2 mln. gektary óńdeldi. Zııankestermen kúres sharalaryna 443 arnaıy búrikkish tehnıka, sonyń ishinde 49 dron jumyldyryldy. Zertteý jumystaryn 3,5 myńnan astam adam júrgizip jaty. Bul týraly AShM málim etti.

— Jergilikti jerlerdegi jumysty oblys ákimderiniń orynbasarlary basqaratyn jedel shtabtar úılestirip otyr. Shegirtkelerge qatysty jaǵdaı shekara mańyndaǵy aýmaqtarda baqylaýda tur. Atap aıtqanda, 2–6 maýsym aralyǵynda Qazaqstan men Qyrǵyzstannyń shekara mańy aýmaqtarynda birlesken zertteýler júrgizildi, — delingen habarlamada.

Al 9–13 maýsym aralyǵynda Qytaı Halyq Respýblıkasynyń mamandarymen birlesken zertteýler ótti. Qazirgi tańda Qyrǵyzstan men Qytaı tarapynan shegirtkelerdiń ushyp kelýi men kóshý qaýpi joq.

Reseı Federatsııasymen jáne Ózbekstan Respýblıkasymen shekaralas aýmaqtar da turaqty baqylaýda tur, shegirtkelerdiń taralý oshaqtary anyqtalǵan joq. Shegirtkelerdi baqylaý jáne olarǵa qarsy kúres sharalary josparly túrde jalǵasady.

Buǵan deıin habarlanǵandaı, bıyl Qazaqstanda shegirtke taralýy múmkin aýmaq 2,1 mln gektarǵa jetýi múmkin.