Úıretilgen aıýlar men aýa gımnastary Qala kúninde astanalyqtardyń kóńilin kóteredi
ASTANA. 22 maýsym. QazAqparat - Qala kúninde Astananyń turǵyndary men qonaqtaryn umytylmas tsırk kórinisi kútýde. «Azııa jańǵyryǵy» - bul talantty ártisterdiń birtýma akrobatıkalyq trıýkterin kórsetetin shoý.
Astanalyqtar ekvılıbrısterdi, Mońǵolııadan kelgen gýttapercha qyzdardy, Qytaıdan kelgen biregeı aýa gımnastaryn, Reseı jáne Qytaıdyń birtýma tsırk nómirlerin tamashalaı alady. Álemniń eń úlken attraktsıonynda jattyqtyrylǵan aıýlar, qulandar, taýtaılaqtar, ýssýrııalyq jolbarystar, kóńildi kloýndar men taǵy basqalary óner kórsetedi.
