Úırekterdi qutqarmaq bolǵan áıel eki adamnyń ajalyna sebepker boldy
ASTANA. QazAqparat - Kanadada áıel abaısyzda eki adamnyń ólimine sebepker boldy. Sot tórt jyl boıy onyń isin qarap, aqyr sońynda áıeldi aıypty dep tapty, dep jazady Vestı.rý.
Emma Chornobaj túnde kóligimen ketip bara jatyp joldyń ústimen ótip bara jatqan úırekterdi baıqaıdy. Ol kóligin dál joldyń ústine toqtatyp qoıyp, úırekterge kómektesýge barady. Osy kezde mototsıkl mingen ákesi men qyzy túnde joldyń ústinde turǵan kólikti baıqamaı baryp soqtyǵysady. Ekeýi de oqıǵa ornynda kóz jumǵan.
Sot Chornobajdy aıypty dep tanydy. Sheshim tamyz aıynda shyǵady, ol 14 jylǵa deıin bas bostandyǵynan aıyrylýy múmkin.
