Nıý-Iorkte ǵımarat opyrylyp, bir adam qaza tapty
ASTANA. KAZINFORM — AQSh-tyń Nıý-Iork qalasyndaǵy Brýklın aýdanynda úsh qabatty ǵımarattyń bir bóligi qulady, dep habarlaıdy Report.
Bul týraly eń aldymen CNN telearnasy Nıý-Iork órt sóndirý departamentine (FDNY) silteme jasap habarlaǵan.
Departamenttiń málimetinshe, ǵımarattyń opyrylýy saldarynan bir adam kóz jumdy.
Ǵımarat Brýklınniń ońtústigindegi negizinen turǵyn úıler ornalasqan Fletbýsh aýdanynda tur. Oqıǵa jergilikti ýaqyt boıynsha saǵat 16:00 (Astana ýaqytymen 02:00) shamasynda bolǵan.
Qazir qutqarýshylar úıindi astynda adamdar qalýy múmkin degen boljammen izdestirý jumystaryn júrgizip jatyr. Oqys oqıǵadan ázirge eki adam zardap shekkeni anyqtaldy. Olar dárigerlerdiń baqylaýyna tapsyryldy.
Aıta keteıik, Kappadokııada jartas opyrylyp, eki adam qaza tapty.
Buǵan deıin Pákistanda mektep shatyry opyrylyp, 34 oqýshy men muǵalim mert bolǵan edi.