Úıin sý basqan turǵyndardyń shyǵyny qalaı óteledi – mınıstr jaýaby
ASTANA. KAZINFORM – Sý basqan óńirlerde turǵyn úı alýdyń mehanızmderi ázirlendi. Bul týraly Ónerkásip jáne qurylys mınıstri Qanat Sharlapaev málim etti.
«Sý tasqyny apatynan zardap shekken azamattardyń turǵyn úı máselesin jedel sheshýdiń mehanızmderi ázirlendi. Naqtyraq aıtsaq, ákimdiktermen birlesip daıyn páterler satyp alý, zardap shekken azamattardyń bekitilgen jobaǵa sáıkes óz qalaýymen baspana tańdaýy jáne ákimdiktermen jóndeý jumystaryn júrgizý nemese olardyń shyǵyndaryn óteý», - dedi Qanat Sharlapaev Úkimet otyrysynda.
Mınıstrdiń aıtýynsha, baspanasynan aıyrylǵan saıajaı turǵyndaryna da qoldaý kórsetiledi.
«Búginde ákimdiktermen jańa qurylysqa jer ýchaskelerin tańdaý jumystary júrgizilýde. Aqtóbe oblysynda qurylys jumystary bastaldy, al Aqmola, Qaraǵandy, Qostanaı oblystarynda daıyn jańa baspana kiltteri tabystalýda. Bul jumystar basqada óńirlerde de jalǵasady», - deıdi ol.
